უზბეკეთი ყოველთვის მზადაა საქართველოსთან მჭიდრო და ნაყოფიერი თანამშრომლობისთვის როგორც ორმხრივი, ისე მრავალმხრივი ურთიერთობების ყველა ფორმატში, - ამის შესახებ უზბეკეთის პრემიერ-მინისტრმა აბდულა არიპოვმა ირაკლი კობახიძესთან შეხვედრისას განაცხადა.

მისი თქმით, უზბეკეთსა და საქართველოს შორის ურთიერთობები ბოლო პერიოდში აქტიურად ვითარდება ყველა მიმართულებით და ეს თანამშრომლობა ეფუძნება ურთიერთნდობის და პატივისცემის პრინციპებს.

„ბატონო პრემიერ-მინისტრო, ქართული დელეგაციის წევრებო, ჩემთვის სასიხარულოა თქვენი მასპინძლობა უზბეკეთში. კეთილი იყოს თქვენი ჩამობრძანება. ურთიერთობები უზბეკეთსა და საქართველოს შორის ბოლო პერიოდში აქტიურად ვითარდება ყველა მიმართულებით და ეფუძნება ურთიერთნდობის და პატივისცემის პრინციპებს.

თანამშრომლობა ეკონომიკის სხვადასხვა სფეროში ინტენსიურად მიმდინარეობს. ორმხრივი ვაჭრობის მაჩვენებლები იზრდება, ასევე ხორციელდება ერთობლივი პროექტები. კულტურული, ჰუმანიტარული და რეგიონთაშორისი კავშირები მტკიცდება.

უზბეკეთი ყოველთვის მზადაა საქართველოსთან მჭიდრო და ნაყოფიერი თანამშრომლობისთვის როგორც ორმხრივი, ისე მრავალმხრივი ურთიერთობების ყველა ფორმატში.

დღეს ჩვენი მთავრობების მთავარ ამოცანას წარმოადგენს იმ შეთანხმებების დროული განხორციელება, რომლებიც ეხება ახალ შეთავაზებებს ჩვენი ურთიერთობების შემდგომი გაღრმავებისთვის.

ბატონო ირაკლი, დარწმუნებული ვარ, რომ საქართველოს პრემიერ-მინისტრის რანგში თქვენი პირველი ოფიციალური ვიზიტი უზბეკეთში კიდევ უფრო განამტკიცებს ურთიერთსასარგებლო ურთიერთობებს ჩვენს ქვეყნებს შორის, ასევე ახალ ბიძგს მისცემს ჩვენს თანამშრომლობას.

დღეს ჩვენ გვაქვს კარგი შესაძლებლობა, ერთმანეთს გავუზიაროთ მოსაზრებები ორმხრივი დღის წესრიგის აქტუალურ საკითხებზე", - განაცხადა უზბეკეთის პრემიერ-მინისტრმა.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს