2025-03-04 19:11:14, 685 ნახვა

---

რუსეთი მზად არის, ირანის ბირთვულ პროგრამასთან დაკავშირებით დონალდ ტრამპის ადმინისტრაციას თეირანთან მოლაპარაკებების წარმოებაში დაეხმაროს

რუსეთი მზად არის, ირანის ბირთვულ პროგრამასთან დაკავშირებით დონალდ ტრამპის ადმინისტრაციას თეირანთან მოლაპარაკებების წარმოებაში დაეხმაროს, – ამის შესახებ „ბლუმბერგი“ ანონიმურ წყაროზე დაყრდნობით წერს.

მათივე ცნობით, დონალდ ტრამპმა ჯერ კიდევ თებერვალში აცნობა რუსეთის პრეზიდენტს, რომ ასეთი დახმარებით დაინტერესებულია. რამდენიმე დღის შემდეგ კი საკითხზე საუდის არაბეთში შეხვედრისას, დონალდ ტრამპის ადმინისტრაციის წარმომადგენლებმა რუს კოლეგებთან ისაუბრეს.

„ბლუმბერგი“ წერს, რომ თეთრი სახლი საკითხზე კომენტარს არ აკეთებს, მოსკოვში და თეირანში კი ინფორმაციას არ ადასტურებენ, თუმცა არ უარყოფენ დონალდ ტრამპისგან ასეთი მოთხოვნის მიღებას.

კრემლის პრესსპიკერის, დიმიტრი პესკოვის თქმით, „რუსეთს მიაჩნია, რომ აშშ-სა და ირანს შორის პრობლემების გადაჭრა მოლაპარაკებების გზით შეუძლიათ“ და, რომ მოსკოვი „მზად არის ყველაფერი გააკეთოს, რომ ამის მიღწევა მოხერხდეს”.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი