ურსულა ფონ დერ ლაიენი - ხვალ ევროკავშირის წევრ ქვეყნებს ევროპის გადაიარაღების გეგმის შესახებ ვაცნობებ
ტექსტს კითხულობს AI ასისტენტი
ხვალ, ევროკავშირის წევრ ქვეყნებს ევროპის გადაიარაღების გეგმის შესახებ ვაცნობებ, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.
„ხვალ, წევრ ქვეყნებს წერილის მეშვეობით ევროპის გადაიარაღების გეგმის შესახებ ვაცნობებ. ჩვენ თავდაცვის სფეროში მასიური ზრდა გვჭირდება, ეს ეჭვგარეშეა“, - განაცხადა ურსულა ფონ დერ ლაიენმა.
მისი თქმით, ევროპას ხანგრძლივი მშვიდობა სურს.
„ჩვენ ხანგრძლივი მშვიდობა გვსურს, მაგრამ ხანგრძლივი მშვიდობა მხოლოდ ძალაზე შეიძლება დამყარდეს და ძალა საკუთარი თავის გაძლიერებით იწყება“, - აღნიშნა ევროკომისიის პრეზიდენტმა.
ავტორი: ექსპრესნიუსი, 
epn.ge (@expressnews.ge)
