პარლამენტში ინიცირებულია კანონი, რომელიც ამერიკული FARA-ს (უცხოური აგენტების რეგისტრაციის აქტი) ანალოგია და მიზნად ისახავს არასამთავრობო ორგანიზაციებისა და მედიის გამჭვირვალობას, რომლებიც უცხოეთიდან ფინანსდებიან.

"ქართული ოცნების"  განცხადებით, წლების განმავლობაში, დასავლეთიდან დაფინანსებული ორგანიზაციები ქვეყნის პოლიტიკურ პროცესებში არაკეთილსინდისიერად ერეოდნენ, ხელს უწყობდნენ პოლარიზაციას და რევოლუციური სცენარების განხორციელებას. მათივე თქმით, წინა ხელისუფლების მმართველობისას უცხოური ძალები საქართველოს იძულებას ცდილობდნენ მეორე ფრონტის გახსნისკენ, რაც საფრთხეს უქმნიდა ქვეყნის მშვიდობასა და სტაბილურობას.

"ჩვენ ძალიან კარგად ვიცით და კარგადაც ჩანს, როგორ აქვს გადგმული ფესვები
გლობალური ომის პარტიას არა მხოლოდ საქართველოში, არამედ, ზოგადად, მსოფლიოში. თუმცა, ჩვენ გვაინტერესებს ჩვენი ქვეყანა, მისი მომავალი და საქართველოსადმი დამოკიდებულების შეცვლით, ვიგრძნობთ დიფ სთეითის დამარცხებას. შედეგად, ურთიერთობები დალაგდება და აღარ იქნება ის სიცრუის კამპანია, რასაც წინა ადმინისტრაციის პირობებში ვხედავდით. ყველა მათი განცხადება მიმართული იყო მეორე ფრონტის გახსნისკენ. ის, რაც წლების განმავლობაში ხდებოდა – რევოლუციების მცდელობები, ექსტრემისტული ორგანიზაციების დაფინანსებები, პოლარიზაციის გაღვივებისთვის ტელევიზიების გამოყენება – ყველაფერი უცხოური დაფინანსებით ხდებოდა. ამიტომ, გამჭვირვალობა ძალიან მნიშვნელოვანია.

ბოროტების მანქანა, რომელიც მოქმედებს წლების განმავლობაში და რაზეც ასეულობით მილიონია დახარჯული, მიზნად ისახავდა უსამშობლო ადამიანების ჩამოყალიბებას, აგენტურის სახით, რომლებიც მზად არიან, ყველაფერს მოაწერონ ხელი, რაც ქვეყნისთვის დამაზიანებელია. ამიტომაც, ზუსტად FARA-ს ანალოგი კანონი გადმოგვაქვს, რომ ყველაფერი იყოს კონტროლირებადი და დანაშაულზე იყოს სისხლის სამართლის პასუხისგება."- განაცხადა, თბილისის მერმა, კახა კალაძემ.

ოპოზიცია და პროდასავლური ჯგუფები აღნიშნულ ინიციატივას „რუსული კანონების“ კოპირებად მიიჩნევენ და აცხადებენ, რომ ის საფრთხეს უქმნის სიტყვისა და გამოხატვის თავისუფლებას. საერთაშორისო პარტნიორებიდან, ასევე ისმის კრიტიკა, თუმცა უმრავლესობა დარწმუნებულია, რომ კანონი ქვეყნის ეროვნული ინტერესების დასაცავად არის აუცილებელი.

პარლამენტში აღნიშნული კანონპროექტის განხილვა უახლოეს დღეებში დაიწყება და მოსალოდნელია ცხარე დებატები როგორც საკანონმდებლო ორგანოში, ისე საზოგადოებაში.

ავტორი: ექსპრესნიუსი,

სოციალური ქსელები

გერმანიის საგარეო უწყება - „ქართული ოცნება“ ჟურნალისტების, დემონსტრანტებისა და ოპოზიციის წინააღმდეგ დაშინების კამპანიას აგრძელებს.

სალომე ზურაბიშვილი - მინდა, ყველა დედას მაინც მივულოცო ეს დღე, რადგან ყველა დედა ბედნიერია, როდესაც ისეთი შვილი ჰყავს, რომელიც ღირსეულად იცავს თავის ქვეყანას

რუსთაველის გამზირი გადაკეტილია, აქციის მონაწილეებს დედების მარსიც შეუერთდა

„სფერო ჰოლდინგმა“ მასშტაბური საზეიმო ღონისძიება გამართა - „გრიგოლეთი კურორტია“