2025-02-28 20:31:33, 777 ნახვა
საზოგადოება
ქეთი თუთბერიძე - მამაჩემი 2002 წელს გარდაიცვალა ტრომბოემბოლიით, 46 წლის ასაკში. რა იარაღებზეა საუბარი წარმოდგენა არ მაქვს
სტუდია მონიტორის გამომძიებელი ჟურნალისტი ქეთი თუთბერიძე სოციალურ ქსელში წერს, რომ პოლიციიდან დაურეკეს და უთხრეს, რომ მამის სახელზე გადაუფორმებელი იარაღი ფიქსირდება. ჟურნალისტი ამბობს, რომ მამა 2002 წელს გარდაევალა.
"SOS!!! ახლა დამირეკეს ვაკე-საბურთალოს პოლიციიდან, მითხრეს, რომ მამათქვენის სახელზე ფიქსირდება სამი გადაუფორმებელი ცეცხლსასროლი იარაღი და თქვენ ხომ არ გაქვთ სახლშიო. მამაჩემი 2002 წელს გარდაიცვალა ტრომბოემბოლიით, 46 წლის ასაკში. რა იარაღებზეა საუბარი წარმოდგენა არ მაქვს, თან სამ იარაღზეა საუბარი, რომელიც არც თვალით მინახავს და არც ვიცი თუ არსებობს ბუნებაში. რატომ დამირეკეს მე და არა ოჯახის სხვა წევრს, მგონი რთული მისახვედრი არ უნდა იყოს." - წერს თუთბერიძე.
ავტორი: ექსპრესნიუსი,
epn.ge (@expressnews.ge)
