გია ვოლსკი, „ქართული ოცნების“ დეპუტატი, ამჯერადაც რუსეთის საგარეო დაზვერვის განცხადებას ავითარებს და აცხადებს, რომ თავისუფლებისთვის და ევროპული მომავლისთვის მებრძოლი მოქალაქეები, რომლებიც 93-ე დღეა ქუჩაში დგანან, დაფინანსებულები არიან.

„რუსეთში რა განცხადებებს აკეთებენ, ერთია. რა განცხადებებსაც არ უნდა აკეთებდნენ, ვკითხულობთ თუ არ ვკითხულობთ, ფაქტი სხვა არის, რაც ჩვენ ქვეყანაში ხდება. ამ ფაქტებს ხან დაემთხვევა განცხადებები, რომელიც გარკვეული მიზნისთვის კეთდება, ხან არ დაემთხვევა. ჩვენ ფაქტს ვხედავთ, რომ არასამთავრობო ორგანიზაციები დაფინანსებულები არიან. მათი მხრიდან კიდევ ჯგუფები ფინანსდება, რომლებიც გამოდიან და პიროტექნიკას ესვრიან პოლიციას“, - განაცხადა გია ვოლსკიმ.

მიუხედავად იმისა, რომ მმართველი პარტია პუტინის რეჟიმის მესიჯბოქსს იყენებს, ვოლსკი ამტკიცებს, რომ რუსულ მედიას არ ეცნობიან და არ აქვთ ინფორმაცია რუსეთის საგარეო დაზვერვის განცხადებებთან დაკავშირებით.

შეგახსენებთ, რომ რუსეთის საგარეო დაზვერვამ გამოაქვეყნა განცხადება, რომლის მიხედვითაც ევროკავშირი გეგმავს საქართველოს საპროტესტო აქციების მონაწილეებს 120 ევროს გადახდას, რათა ქუჩის პროტესტი განავითაროს.

ავტორი: ექსპრესნიუსი,

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ