საქართველოს პარლამენტში გენდერული თანასწორობის საბჭოები გაუქმდება. აღნიშნული ცვლილება "ქართული ოცნების" და "ხალხის ძალის" დეპუტატების მიერ ინიცირებული საკანონმდებლო პაკეტის ფარგლებში იგეგმება.

კანონპროექტით  ყველა ნორმა, რომელიც გენდერული თანასწორობის საბჭოების ფუნქციონირებას ეხება ამოიღება. ასევე, ტერმინები "გენდერი" და "გენდერული იდენტობა" ამოიღება მოქმედი კანონებიდან, ხოლო "გენდერული თანასწორობის შესახებ" კანონს სახელწოდება შეეცვლება და მას "ქალისა და მამაკაცის თანასწორობის შესახებ" კანონი დაერქმევა.

პარლამენტში წარდგენილი საკანონმდებლო პაკეტის თანახმად, კანონებში "გენდერული საკითხები" შეიცვლება ჩანაწერით "ქალისა და მამაკაცის თანასწორობის საკითხები", ხოლო ტერმინი "გენდერული ნიშნის შეუწყნარებლობა" შეიცვლება "ქალისა და მამაკაცის თანასწორობისადმი შეუწყნარებლობით". კანონში გამოყენებული სხვა ტერმინებიც, როგორებიცაა "გენდერულად მგრძნობიარე", შეიცვლება სქესის ნიშნისადმი მგრძნობიარე შესაბამისი ტერმინებით.

"ქართული ოცნების" განმარტებით, ბოლო წლებში საქართველოს კანონმდებლობაში უცხოური გავლენის შედეგად დაინერგა ტერმინი "გენდერი", რაც, მათი აზრით, იყო გლობალური ტენდენციის ნაწილი. კანონის ავტორები თვლიან, რომ ეს პროცესები არა მხოლოდ ადამიანის უფლებების დაცვის ინტერესი იყო, არამედ სხვა სახელმწიფოების შიდა საქმეებში ჩარევის და გავლენის მოპოვების გლობალური მიზანი.

კანონპროექტზე 28 თებერვალს საქართველოს პარლამენტის ადამიანის უფლებათა დაცვის კომიტეტი იმსჯელებს.

კანონპროექტის ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, რატი იონათამიშვილი, დავით მათიკაშვილი, გურამ მაჭარაშვილი, ალექსანდრე ტაბატაძე, თენგიზ შარმანაშვილი, ალუდა ღუდუშაური, ვიქტორ ჯაფარიძე, 

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე