ბიძინა ივანიშვილის თანაინვესტირების ფონდის ყოფილი დირექტორის, გიორგი ბაჩიაშვილის განცხადებით, დღევანდელ სასამართლო სხდომაზე ეროვნული ბანკის პრეზიდენტმა, ნათია თურნავამ დაადასტურა, რომ ე.წ. ბიტკოინების საქმეში ივანიშვილის ინვესტორობის შესახებ არანაირი დოკუმენტური მტკიცებულება არ არსებობს. 

"ყველა სახელმწიფო ექსპერტი, ნათია თურნავა იქნება თუ სხვა, იგივე საგადასახადოს ექსპერტი, ყველა ეფუძნება პროკურატურის დადგენილებას. პროკურატურამ დაადგინა, რომ ივანიშვილი არის ინვესტორი და იმის გარშემო მოძრაობენ. 

ეროვნულმა ბანკმა ქართუ ბანკის წერილის საფუძველზე დაადგინა, რომ თურმე ბიძინა ივანიშვილი ყოფილა ინვესტორი. შესაბამისად, თავისივე პროკურატურის და ქართუ ბანკის მიერ გავრცელებულ ჩვენებებს  ატრიალებენ და მოგვავლენენ როგორც ჭეშმარიტებას.

საგადასახადო ექსპერტმა, რომელიც დაიკითხა, პირდაპირ თქვა რომ მან უბრალოდ მიიღო ინფორმაცია, თუ რა პროცენტებით უნდა გადაეთვალა წილები ჩემსა და ივანიშვილს შორის და ამ პროცენტებით უბრალოდ არითმეტიკული  კალკულაცია შეასრულა, რომელსაც ნებისმიერი სკოლის მოსწავლე შეასრულებდა. 

ნათია თურნავამ, როგორც ივანიშვილმა, დაადასტურა კიდევ ერთხელ, რომ არანაირი დოკუმენტური მტკიცებულება იმისი, რომ ივანიშვილი არის ინვესტორი არ არსებობს. მან მოიშველია ისევ ქართუ ბანკის მხრიდან ეროვნული ბანკისთვის მიწერილი წერილი, სადაც ქართუ ბანკი თვითონვე აღიარებს, რომ ივანიშვილი იყო ინვესტორი და ეს საკმარისი იყოო, რომ ჩვენ დაგეჯარიმებინა ქართუ ბანკიო". - ამბობს ბაჩიაშვილი TV პირველთან.

ავტორი: ექსპრესნიუსი,

სოციალური ქსელები

“ნაციონალურ მოძრაობას“ შსს-მ რიყის დოქებთან სააკაშვილის მხარდამჭერი აქციის განართვის ნებართვა არ მისცა

რუსთავში მარტოხელა დედას სამი შვილით ბინიდან ასახლებენ - ვიდეო

ირანის ელჩი თბილისში საელჩოს ფასადზე ქეთევან დედოფლის გამოსახულების განათებას ეხმაურება

ჰეგსეთმა პენტაგონს დაავალა, შუალედურ არჩევნებში უცხოური ჩარევის წინააღმდეგ ბრძოლა