თავიუსფლების მოედანზე „ერთიანმა ნაციონალურიმა მოძრაობამ“ რუსეთის მიერ უკრაინის ტერიტორიიდან უკრაინის შეირაღებული ძალების ოფიცრის, ნადეჟდა სავჩენკოს გატაცება გააპროტესტა.

პარლამენტის ფრაქციები და საპარლამენტო ჯგუფები სავჩენკოს გათავისუფლებას ითხოვენ. დეპუტატები მფრინავს მხარდაჭერას უცხადებენ, საერთაშორისო საზოგადოებას მეტი აქტიურობისკენ და რუსეთზე ზეწოლის გაძლიერებისკენ მოუწოდებენ.

"მთელ მსოფლიოში დღეს, გაიმართება მხარდამჭერი აქციები. საქართველოს პარლამენტის ფრაქციები და საპარლამენტო ჯგუფები მოითხოვენ მის დაუყოვნებლივ გათავისუფლებას და ასევე საერთაშორისო თანამეგობრებს და მსოფლიო ლიდერებს მოუწოდებენ რუსეთზე ზეწოლა განახორციელონ, რათა მათ უკანონო ტყვეობაში მყოფი ნადეჟდა სავჩენკო გაათავისუფლონ", - განაცხადა "ნაციონალური მოძრაობის" ერთ-ერთმა ლიდერმა გიორგი გაბაშვილმა.

აღნიშნულის შესახებ პარტიამ და საპარლამენტო ფრაქციებმა დეკლარაციაც შეიმუშავეს.

"ეს ის შემთხვევაა, როდესაც სიტყვას აქვს გაცილებით მეტი ძალა, ვიდრე იარაღით მუქარას. მისმა სიტყვებმა, ვიცოცხლებ მანამდე სანამ კრემლის კედლები იარსებებს ერთის მხრივ შეძრა თავისუფლების ყოველი მოყვარე ადამიანი, მეორეს მხრივ კი პასუხისმგებლობა დაგვაკისრა ვიბრძოლოთ მისი ძვირფასი სიცოცხლის გადასარჩენად", - განაცხადა "ნაციონალური მოძრაობის" წევრმა ეკა ხერხეულიძემ.

შეგახსენებთ, რომ რუსული გამოძიების მტკიცებით, 2014 წლის ივნისში ლუგანსკში მიმდინარე საბრძოლო მოქმედებების დროს სავჩენკომ რუსი ჟურნალისტების ადგილსამყოფელის შესახებ კოორდინატები უკრაინელ სამხედროებს გადასცა, რასაც მათი საარტილერიო შეტევა მოჰყვა. იერიშის შედეგად ორი რუსი კორესპონდენტი დაიღუპა. მას ასევე ბრალი საზღვრის უკანონო გადაკვეთაში ედება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია

ზურაბ მენთეშაშვილი, რომელიც მეორედ იყო გასამართლებული რუსთაველის გამზირის გადაკეტვისთვის 9 თვის შემდეგ გათავისუფლდა

ზელენსკი: რუსეთმა უკრაინა ჩრდილოეთ კორეული რაკეტით დაბომბა

ესპანეთის საზღვარს ათასობით მიგრანტი შტურმით იღებს, მადრიდი კრიზისის ადგილას ჯარს აგზავნის