რომის პაპი ფრანცისკე 14 თებერვალს საავადმყოფოში გამოკვლევებისთვის და ბრონქიტის მკურნალობის გასაგრძელებლად გადაიყვანეს. ინფორმაციას გამოცემა Reuters ვატიკანის ოფიციალურ განცხადებაზე დაყრდნობით ავრცელებს. 

"დღეს, დილით, წირვის შემდეგ, პაპი ფრანცისკე მიიყვანეს პოლიკლინიკო აგოსტინო გემელიში რამდენიმე აუცილებელი დიაგნოსტიკური გამოკვლევისთვის და საავადმყოფოს გარემოში ბრონქიტის მკურნალობის გასაგრძელებლად, რომელიც მას კვლავ აქვს". - გამოცემის ცნობით, აღნიშნულია ვატიკანის განცხადებაში. 

88 წლის ფრანცისკეს, რომელიც რომის პაპი 2013 წლიდანაა, ბოლო ორი წლის განმავლობაში ხშირად აწუხებდა გრიპი და ჯანმრთელობის სხვა პრობლემები.  

მიმდინარე თვის დასაწყისში, ფრანცისკემ ყოველკვირეულ წირვაზე მომლოცველებს უთხრა, რომ მას "ძლიერი გაციება" აწუხებდა, რაც შემდგომ, ვატიკანის ინფორმაციით, ბრონქიტი აღმოჩნდა. 

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს