2025-02-14 11:03:50, 425 ნახვა

---

ემანუელ მაკრონი - ტრამპის დაბრუნება არის „ელექტროშოკი“, რომელმაც უნდა აიძულოს ევროპა, უზრუნველყოს თავისი და უკრაინის მომავალი

საფრანგეთის პრეზიდენტი ემანუელ მაკრონი აცხადებს, რომ თეთრ სახლში დონალდ ტრამპის დაბრუნება არის „ელექტროშოკი“, რომელმაც უნდა აიძულოს ევროპა, უზრუნველყოს თავისი და უკრაინის მომავალი. ამის შესახებ მაკრონმა გამოცემა „ფაინენშელ თაიმსთან“ ინტერვიუში ისაუბრა.

ეანუელ მაკრონმა განაცხადა, რომ მხოლოდ უკრაინის პრეზიდენტ ვოლოდიმირ ზელენსკის შეუძლია, მოლაპარაკებების წარმოება საკუთარი ქვეყნის სახელით და აღნიშნა, რომ ისეთი მშვიდობის დაშვება, რომელიც იქნება კაპიტულაცია, ყველასთვის ცუდი ამბავი იქნება, მათ შორის აშშ-სთვის.

„ერთადერთი კითხვა ამ ეტაპზე მდგომარეობს იმაში, ნამდვილად, მტკცედ და საიმედოდ სურს თუ არა პრეზიდენტს პუტინს, დათანხმდეს ცეცხლის შეწყვეტას ამ საფუძველზე. ამის შემდეგ უკრაინელების გადასაწყვეტია მოლაპარაკებები რუსეთთან. ჩვენ ყველამ კოლექტიური სიფხიზლე უნდა შევინარჩუნოთ“, – თქვა საფრანგეთის პრეზიდენტმა.

საფრანგეთის პრეზიდენტი დიდი ხანია, ამბობს, რომ ევროპამ უფრო მეტი პასუხისმგებლობა უნდა აიღოს თავის უსაფრთხოებაზე, რაც შესაძლებელია მხოლოდ ეკონომიკური დამოუკიდებლობის გაზრდით და აშშ-სა და ჩინეთზე დამოკიდებულების შემცირებით.

ემანუელ მაკრონმა დოანლდ ტრამპის ხელახლა გაპრეზიდენტება შეაფასა როგორც ბიძგი ევროკავშირისთვის, მეტი ინვესტიცია ჩადოს საკუთარ თადაცვაში, ეკონომიკასა და ტექნოლოგიურ განვითარებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი