„ერთიანი ნაციონაური მოძრაობის“ დეპუტატ გივი თარგამაძის განცხადებით, ენერგეტიკის სამინისტრომ, მილიონზე მეტი დოლარი მიიღო ცნობილი კრიმინალ დავით ქარსელაძისგან.

ამის შესახებ თარგამაძემ, პარტიის ოფისში გამართულ პრესკონფერენციაზე განაცხადა.

თარგამაძის ცნობით, „კალატოზა“ კანონიერი ქურდია და შევარდნაძის დროს ის ფლობდა და არეკეტებდა სამარშრუტო ტაქსებს.

"კონკრეტული შეკითხვები მაქვს ვიცე-პრემიერთან - მაქვს კონკრეტული დოკუმენტი, სადაც ჩანს, რომ რუსული ბანკის ფილიალიდან ენერგეტიკის სამინისტროსთვის გადმორიცხულია 1 100 000 დოლარი, მიზანში მითითებულია მშენებლობა, ხოლო ფულს რიცხავს ვინმე დავით ქარსელაძე. გარანტორი არის სწორედ ვიცე-პრემიერის პირადი ფირმა "კალა კაპიტალი". რაც შეეხება დავით ქარსელაძეს, ის არის ცნობილი კრიმინალი მეტსახელად "კალატოზა", რომელიც შევარდნაძის დროს ფლობდა და არეკეტებდა სამარშრუტო ტაქსებს, როგორც თბილისში, ასევე უმეტეს რაიონებში.

მიუხედავად იმისა, რომ ის ძებნილის სტატუსით იმყოფებოდა, მშვიდად დააბიჯებდა რუსთაველის გამზირზე, სადაც ერთ-ერთ ბანკს არეკეტებდა და სარგებლობდა უმაღლესი მფარველობით. "ვარდების რევოლუციის" შემდეგ მისი "მოღვაწეობა" აღიკვეთა, მან სასჯელი მოიხადა და შემდეგ გადავიდა საცხოვრებლად რუსეთში, დღეს კი სოჭში ცხოვრობს.

კალაძესთან კითხვები გვაქვს იმასთან დაკავშირებით თუ რა მშენებლობაზეა საუბარი? რა შეთანხმება მოხდა კრიმინალთან? რა წარმომავლობის ფულია - კრიმინალური ობშიაკი თუ რუსული სპეცსამსახურების? რამდენად იღებს „კალატოზა“ აქედან სარგებელს და რამდენადაა დაკავშირებული ამასთან კალაძის მიერ ორგანიზებული ზონდერჯგუფების შექმნა?!

იმედს გამოვთქვამ, რომ კახა კალაძე აღნიშნულ შეკითხვებს ხვალ პარლამენტში გამართულ საკომიტეტო მოსმენაზე პასუხს გასცემს“, - განაცხადა გივი თარგამაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა

ყირიმში დრონების თავდასხმის შემდეგ ელექტროენერგია და ინტერნეტი გაითიშა

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა