ყველა თანამშრომელი რჩება „მაესტროს“ ტელეკომპანიაში და ყველა მათგანს რჩება თავისი ხელფასი, - ამის შესახებ ლევან გაჩეჩილაძემ ჟურნალისტებს განუცხადა. როგორც გაჩეჩილაძემ აღნიშნა, მისთვის მთავარი ყველა თანამშრომელი სოციალურად უზრუნველყოფილი იყოს და თვიდან თვემდე არ დაგვიანდეს.

„ჩემთვის მთავარია ყველა თანამშრომლის სოციალური უზრუნველყოფა. ხელფასები თვიდან თვემდე არ დაგვიანდეს. შემდგომ მთავარია ძალიან კარგი სატელევიზიოო კონტენტის მიღება იმისთვის, რომ „მაესტროს“ რეიტინგი აეწიოს და გახდეს ძალიან ინტელექტუალური ტელევიზია.

მე დღეს გახლავართ „მაესტროს“ გენდირექტორი, ვთხოვ ყველა ჟურნალისტს ველოსიპედს ნუ გამოიგონებთ. ავიღე პასუხისმგებლობა „მაესტროს“ გაკოტრებიდან გამოყვანის, ავიღე პასუხისმგებლობა „მაესტროს“ ფინანსური სტაბილურობის საქმეზე. აქედან გამომდინარე ტელეკომპანიის ყველა თანამშრომელი რჩება, ყველას რჩება თავისი ხელფასი და დაიწყება ხვალინდელი დღის დაგეგმვა.

პირველ რიგში უნდა გამოვიდეს გაკოტრების საქმე სასამართლოში. ამ ეტაპზე და არც მერე არ ჩავერევი სარედაქციო დამოუკიდებლობაში. ისინი იქნებიან თავიდან ბოლომდე დამოუკიდებლები. იმიტომ, რომ დამოუკიდებლობაში რეიტინგის სიმაღლე და მატებაა“, - აღნიშნა გაჩეჩილაძემ.

მისივე თქმით, „მაესტრო“ რჩება შენობაში, იმიტომ რომ ეს ბევრ ტექნოლოგიურ საკითხთან არის დაკავშირებული.

გაჩეჩილაძემ განაცხადა, რომ უახლოეს დღეებში ის ორ თავის მოადგილეს დანიშნავს. მან ასევე ისაუბრა ტელევიზიაში არსებულ ვითარებაზე და აღნიშნა, რომ ფინანსური და ადმინისტრაციული კუთხით ბევრი  საქმეა გასაკეთებელი.

ლევან გაჩეჩილაძემ 25%-იანი წილის მფლობელის მაკა ასათიანის ადვოკატს გიორგი გვენეტაძეს შესთავაზა მოხდეს საიჯარო ხელშეკრულების გაგრძელება.

მისი თქმით, თუ არ მოხდება ხელშეკრულების გაგრძელება ძალიან ლოგიკურ ვადებში ისე, რომ არ შეწყდეს მაუწყებლობა ის ალტერნატიულ ფართს გამონახავს.

ამასთან ჟურნალისტის კითხვაზე, „რუსთავი 2“-ის ჩაძირვაა თქვენი მთვარი გეგმა? - გაჩეჩილაძემ აღნიშნა, რომ  „რუსთავი 2“-ის ჩაძირვა არასოდეს მითქვამს.

„კიდევ ერთხელ ვიმეორებ ჯანმრთელი ამბიცია უნდა ჰქონდეს ადამიანს, რომ რეიტინგით გაასწროს ყველა ტელევიზიას და მათ შორის „რუსთავი 2-ს“, - განაცხადა ლევან გაჩეჩილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში

ჯანდაცვა: იზრდება სოცდაუცველი და მრავალშვილიანი ოჯახებისთვის დენის სუბსიდირების თანხა

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი