2025-02-05 09:56:56, 438 ნახვა
მსოფლიო
აშშ-ის სენატმა გენერალური პროკურორის თანამდებობაზე პემ ბონდი დაამტკიცა
აშშ-ის სენატმა გენერალური პროკურორის თანამდებობაზე პემ ბონდი დაამტკიცა, - ამის შესახებ ინფორმაციას ,,სიენენი" ავრცელებს.
აშშ-ის სენატმა პემ ბონდი გენერალური პროკურორის თანამდებობაზე 54 ხმით 46-ის წინააღმდეგ დაამტკიცა.
ფლორიდის შტატის ყოფილი გენერალური პროკურორის კანდიდატურას „რესპუბლიკელ“ სენატორებთან ერთად მხარი „დემოკრატმა“ სენატორმა, ჯონ ფეტერმანმა დაუჭირა.
შეგახსენებთ, აშშ-ის პრეზიდენტმა, დონალდ ტრამპმა პემ ბონდი გენერალური პროკურორის თანამდებობაზე მას შემდეგ წარადგინა, რაც მისმა პირველმა არჩევანმა, მეტ გეცმა, „რესპუბლიკელი“ სენატორების მხრიდან არასაკმარისი მხარდაჭერის გამო კანდიდატურა მოხსნა.
ავტორი: ექსპრესნიუსი,
epn.ge (@expressnews.ge)
