თამუნა კენკიშვილი, 12-საათიანი და 3-საათიანი „მოამბის“ პროდუსერი ამბობს, რომ ისიც უარს ამბობს მანაც უარი თქვა იყოს 6-საათიანი გამოშვების პროდუსერი. ეს გამოშვება ვასილ ივანოვ-ჩიქოვანს მიჰყავს.

კენკიშვილი ამბობს, რომ ხშირად უმუშავია ჩიქოვანთანაც ერთად და მიზეზი, რის გამოც ახლა უარს ამბობს, ისაა, რომ ეჭი ეპარება წამყვანის გულწრფელობაში.

„მე ამ ადამიანთან მუშაობის პრაქტიკა მაქვს და მართლა არ მახსენდება, რომ ამ ადამიანს რამეზე გამოეთქვას პრეტენზია იმიტომ, რომ მე ჩემ წამყვანებთან ხშირად მაქვს ხოლმე, მოდი ეს ხომ არ ვქნათ, მოდი ის ხომ არ ვქნათ, სამუშაო პროცესია, მე ჩემ წამყვანებთან ხშირად მაქვს ხოლმე ამაზე საუბარი, ესეც ხომ არ მივცეთ, ან ეს ასე ხომ არ მივცეთ, ეს ძალიან ნორმალურია. მე ვასკასთან ასეთი პრაქტიკა არ მქონია. დიახ, მეც 6-საათიანი მოამბის პროდუსინგზე ვთქვი უარი და ახლა ვიტყვი რატომ, იმიტომ რომ მე ვასკას გულწრფელობაში უბრალოდ ეჭვი მეპარება“- თქვა მან.

მიზეზად კენკიშვილმა მოყვა, რომ 28 ან 29 ნოემბერს ჩიქოვანი „მოწმენდილ ცაზე“, ის რომ წინაპირობა არ ყოფილა, რომ რამის გაშუქებით უკმაყოფილო ყოფილიყო, ეთერიდა გავიდა. მისი თქმით, სანამ სხვა პროდუსერები გაიგებდნენ რა მოხდა, სოციალურ ქსელებში დაიწერა, რომ ჩიქოვანმა ეთერი პროტესტის ნიშნად დატოვა.

კენკიშვილის თქმით, მომხდარიდან 2 ან მე-3 დღეს, ჩიქოვანი ეთერში შევიდა და თქვა, რომ ვასილ მაღლაფერიძე არხის პრობლემაა. მან ასევე გაიხსენა მე-5 პრეზიდენტის მიერ ჟურნალისტების დაჯილდოება, სადაც ვასილ ივანოვ-ჩიქოვანსაც გადასცეს სამოქალაქო თავდადებისთვის:

„სალომე ზურაბიშვილმა მიიწვია ჟურნალისტები, მათ შორის დაზარალებული ჟურნალისტები და მათ შორის იყო ვასილ ივანოვ-ჩიქოვანიც და მას მამაცობისთვის გადასცა მედალი, რომელსაც არ ვიცი, 7 საათზე რომ დაიხურავდა ქუდს, იმ პერიოდში, როცა ჩვენ მართლა 24-საათიან რეჟიმში ვმუშაობდით, ის სამსახურში არ ყოფილა. ეს ველზე არ ყოფილა, მას გაზი არ ჩაუყლაპავს და მან მიიღო ჯილდო, ჩემთვის ეს ბევრ რამეზეა მეტყველი“.

ჩიქოვანმა საზოგადოებრივი მაუწყებლის სამეურვეო საბჭოს სხდომაზე პირდაპირ თქვა, რომ არხზე არის გავლენები, არ ისხმის ხალხის ხმა.

„ახალი და მიმდინარე ამბების ბლოკი ვერ პასუხობს მისი სარედაქციო პოლიტიკით საზოგადოების წინაშე არსებულ გამოწვევებს. ვიმეორებ გავლენა არსებობს, ეს გავლენა არის ვასილ მაღლაფერიძე და ამ პოზიციას არ შევიცვლი“, – თქვა ჩიქოვანმა 30 იანვარს.

ვასილ-ივანოვ ჩიქოვანი ის წამყვანია, რომელიც ეთერიდან ღიად უცხადებს მხარდაჭერას „ბათუმელები/ნეტგაზეთის“ დამფუძნებელს, მზია ამაღლობელს და ითხოვს მის გათავისუფლებას.

ავტორი: ექსპრესნიუსი,

სოციალური ქსელები

სააკაშვილი- დღეს მთავარია, ბელარუსის ოპოზიციის შეცდომები არ გავიმეოროთ

ამერიკელი დიპლომატი და არასამთავრობო ორგანიზაციათა განვითარების კონსულტანტი საქართველოში არ შამოუშვეს

მაკა ბოჭორიშვილი-17 ქვეყნის საგარეო საქმეთა მინისტრების წერილზე: მსგავსი განცხადებები ხელს უწყობს ცრუ ნარატივების გავრცელებას საქართველოს შესახებ

პაპუაშვილი - რადიკალურ ოპოზიციაში ხელოვნური დაპირისპირებაა