90%-მა კი ვირუსი უკვე დაამარცხა, რაც იმედია მომცემია. სასიხარულოა, რომ არის ახალი, ინოვაციური პრეპარატი, რომელიც დაავადებასთან ბრძოლაში საკმაოდ ეფექტიანია, - ამის შესახებ საქართველოს პრემიერ-მინისტრმა გიორგი კვირკაშვილმა C ჰეპატიტის ელიმინაციის პროგრამაზე კომენტირებისას განაცხადა.

კვირიკაშვილი C ჰეპატიტის ელიმინაციის პროგრამაში ჩართულ პაციენტებს შეხვდა. პრემიერმა აშშ-ის ელჩს საქართველოში იან კელის ჩართულობისთვის მადლობა გადაუხადა.

"აშშ-ს დახმარების გარეშე საქართველოში შეუძლებელი იქნებოდა ამ პრობლემების გადაჭრა. C ჰეპატიტის ელიმინაციის პროგრამაში 7 ათასამდე ბენეფიციარი ჩაერთო, მკურნალობის კურსი 3 500-მა პაციენტმა დაასრულა. 90%-მა კი ვირუსი უკვე დაამარცხა, რაც იმედია მომცემია. სასიხარულოა, რომ არის ახალი, ინოვაციური პრეპარატი, რომელიც დაავადებასთან ბრძოლაში საკმაოდ ეფექტიანია. მნიშვნელოვანია აღინიშნოს, რომ ამ პროექტზე 2 მილიარდ დოლარზე მეტი იხარჯება ამ პროგრამის განსახორციელებლად. ახალი პრეპარატების შემოტანის ფონზე განკურნებული პაციენტების მაჩვენებელი აიწევს", - განაცხადა გიორგი კვირიკაშვილმა.

როგორც პრემიერ მინისტრმა აღნიშნა, სასიხარულოა, რომ ეს პროგრამა მიმდინარეობს.

"სასიხარულოა, რომ ეს პროგრამა მიმდინარეობს, განსაკუთრებით მნიშვნელოვანია, რომ პაციენტები, რომლებიც არიან ამ პროგრამაში ჩართულები, მომავალ პაციენტებს გამოცდილებას უზიარებენ", - განაცხადა გიორგი კვირიკაშვილმა.

როგორც პრემიერმა აღნიშნა წლის განმავლობაში პროგრამაში 20 ათასამდე ბენეფიციარი ჩაერთვება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა