საზოგადოებრივი მაუწყებლის სამეურვეო საბჭოს სხდომა დახურულ კარს მიღმა  მიმდინარეობდა. სხდომის დასრულების შემდეგ, ვასილ მაღლაფერიძემ ვასილ ივანოვ-ჩიქოვანის განცხადება დაადასტურა.

პირველი არხის სამეურვეო საბჭოს თავმჯდომარემ აღიარა, რომ მაშინ, როდესაც საპოლიციო ძალები ძალადობრივი მეთოდებით მშვიდობიან დემონსტრანტებს უსწორდებოდნენ, თავად ტელევიზიის საეთეროში იმყოფებოდა.

„საეთეროში შევდიოდი, რადგან ბევრი კადრები მოდიოდა და დაგვენახა აქეთ-იქიდან, როგორ იყო,“ - ამტკიცებს "ქართულ ოცნებასთან" აფილირებული ვასილ მაღლაფერიძე.

„საეთეროში სულ ორჯერ ვიქნები ნამყოფი. ერთხელ, როცა გააკეთეს, მესამე სართულზე რომ გამოიტანეს და დამაინტერესა, მეორეჯერ მართლაც ვიყავი. სწორი ინფორმაცია აქვს და სწორად მიაწოდეს. ეს იყო აქციის პირველი დღე. საეთეროში შევდიოდი, რადგან ბევრი კადრები მოდიოდა და მთლიანად დაგვენახა აქეთ-იქიდან, როგორ იყო. ის ჩართე, ეს ჩართე, მე ამის კომპეტენცია არ მაქვს, ეს მის სინდისზე იყოს,“ - ამბობს ვასილ მაღლაფერიძე.

3-4 თებერვალს პირველ არხში შეხვედრები გაიმართება. ორშაბათს საზმაუს მცველები ბორდის წევრებთან გამართავენ აუდიენციას, ხოლო სამშაბათს საზოგადოება შეხვდება მენეჯმენტს.

„ჩვენ გვინდა ეთერი. ჩვენ მოვითხოვთ ეთერს. ორშაბათს, 14:00 საათზე იქნება გაფართოებული შეხვედრა, სადაც მცველები მოვალთ და დავილაპარაკებთ ბორდთან. სამშაბათს მენეჯმენტთან იქნება გაფართოებული შეხვედრა,“ - ამბობს ნინო ზაუტაშვილი.

საზოგადოებრივი მაუწყებლის სამეურვეო საბჭოს სხდომა ხმამაღალი განცხადებების ფონზე მიმდინარეობდა. თინათინ ბერძენიშვილს, ვასილ მაღლაფერიძეს და ბორდის სხვა წევრებს კრიტიკულად განწყობილი ადამიანთა აზრის მოსმენა უწევდათ, რომლებიც ფიქრობენ, რომ "პირველი არხი" ქვეყანაში მიმდინარე მოვლენებს ობიექტურად არ აშუქებს.

სხდომაზე პირველი არხის მენეჯმენტის წინაშე მამხილებელი განცხადება "მოამბის" წამყვანმა, ვასილ ივანოვ-ჩიქოვანმა გააკეთა. ჟურნალისტმა, რომელიც მოშიმშილე მზია ამაღლობელს სოლიდარობას უცხადებს, "ქართულ ოცნებასთან" აფილირებული ვასილ მაღლაფერიძე კანონის დარღვევაში დაადანაშაულა. მისი თქმით, როცა სპეცრაზმი მშვიდობიან მოქალაქეებს არბევდა, მაღლაფერიძე საეთეროში იმყოფებოდა, რისი უფლებაც მას არ აქვს.

ავტორი: ექსპრესნიუსი,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი