არქიმანდრიტმა დოროთე ყურაშვილმა ქადაგებისას, ჟურნალისტ მზია ამაღლობელზე ისაუბრა და აღნიშნა, რომ თუკი მან პოლიციელზე სილის გარტყმით კანონი დაარღვია და დაიჭირეს, რატომ არ დაიჭირეს ის ადამიანები, რომლებმიც ქუჩაში ჟურნალისტებს უმოწყალოდ სცემდნენ.

„ასეთი უსამართლობები რომ ხდება და ამ უსამართლობებზე თვალს ვხუჭავთ, თვალდახუჭული დავრჩებით მთელი ცხოვრება,“ - განაცხადა არქიმანდრიტმა.

„სად არიან ისინი, რატომ არ არიან დაჭერილი?“ - კითხულობს არქიმანდრიტი.

„ერთმა ჟურნალისტმა პოლიციელს ლოყაში გაარტყა, ეს ჟურნალისტი დაიჭირეს, დასაჯეს და კიდევ უნდა მიუსაჯონ. ამბობენ, რომ ამან დაარღვია კანონი და პოლიციელს შეურაცხყოფა მიაყენა, მაგრამ ჩვენ ვიცით ასევე ჟურნალისტები, რომლებსაც ფეხებით დაადგნენ, 5-7 კაცი ურტყამდა, ქუსლებით ცემდნენ, დაეცა. ახლა ვკითხოთ, რომელია უფრო დამნაშავე: თუ ეს დამნაშავეა იმიტომ, რომ ამ პოლიციელს ლოყა აუწითლდა და ტკივილი იგრძნო, რამდენად უფრო დამნაშავეა ის ხალხი, ვინც ქუჩაში უმოწყალოდ სცემდნენ და ღვთის ნებით გადარჩნენ, შეწევნით, თორემ მათი ხელიდან მკვდარი იყო.

აი, დასვით კითხვა, რომელია მართალი? ამას ციხე ეკუთვნის და იმათ თავისუფლება? სად არიან ისინი, რატომ არ არიან დაჭერილი? აი, ესეთი უსამართლობები რომ ხდება და ამ უსამართლობებზე თვალს რომ დახუჭავთ, თვალდახუჭული დარჩებით მთელი ცხოვრება,“ - განაცხადა არქიმანდრიტმა დოროთე ყურაშვილმა ქადაგებისას.

ავტორი: ექსპრესნიუსი,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი