თბილისი, 27 იანვარი 2025 – საქართველოს ეროვნული უნივერსიტეტის (სეუ) სტუდენტები უკვე მეოთხე დღეა, რაც ღამეს ღია ცის ქვეშ ათენებენ, რადგან მათ უნივერსიტეტის შენობაში შესვლის ნება არ ეძლევათ. სტუდენტები უნივერსიტეტის მთავარ შესასვლელთან იმყოფებიან, სადაც ლეიბები და პლედები მიიტანეს.

სტუდენტებმა კარვების გაშლაც სცადეს, თუმცა საპატრულო პოლიციამ ამის ნება არ დართო.

“ჩვენ ვიცოდით, რომ სტატუსის აღდგენასთან დაკავშირებით ორშაბათს უნდა მოვსულიყავით. როდესაც მოვედით, უარი გაგვიცხადეს. ჯერ გვითხრეს, რომ პირველ თებერვალს აღდგება სტატუსიო, შემდეგ 5-შიო და ბოლოს გვითხრეს, რომ 15 თებერვლამდე არ აღდგება სტატუსიო. ამასთან დაკავშირებით ჩვენ მოვიტანეთ კარვები, რათა გაგვეშალა. ამდენი ხანი ქუჩაში ძილი გვიწევდა, სიცივეა. როდესაც მოვიტანეთ კარვები, პატრულს გამოუძახეს. როგორც კი გადმოვიდნენ, ეგრევე კარვებზე წავიდა საუბარი და გვითხრეს, არ უნდა გაშალოთო. დაცვის თანამშრომლებიც იყვნენ მოსულები, რომელთაც იარაღები, ავტომატები ეკიდათ”.

სტუდენტები რექტორთან შეხვედრასა და უნივერსიტეტის სტუდენტზე, ირაკლი მიმინოშვილზე, პოზიციის დაფიქსირებას მოითხოვენ. მათი განცხადებით, მიმინოშვილი უკანონოდ არის დაკავებული.

უნივერსიტეტის ადმინისტრაციის მხრიდან ამ დრომდე ოფიციალური განცხადება არ გაკეთებულა. სტუდენტები აცხადებენ, რომ პროტესტს გაგრძელებენ, სანამ მათი მოთხოვნები არ დაკმაყოფილდება.

აღსანიშნავია, რომ სტუდენტების პროტესტი სოლიდარობის ნიშნად სხვა უნივერსიტეტებშიც გავრცელდა. მაგალითად, თავისუფალი და აგრარული უნივერსიტეტების სტუდენტებმა კახა ბენდუქის საუნივერსიტეტო კამპუსიდან საპროტესტო მსვლელობა დაიწყეს. 

ავტორი: ექსპრესნიუსი,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი