საქართველოს დამოუკიდებლობის შემდეგ ამხელა საინვესტიციო შეთანხმებისთვის ხელი არ მოუწერია, შევთანხმდით 6 მლრდ დოლარის მოცულობის პირდაპირ უცხოურ ინვესტიციებზე საქართველოს ეკონომიკაში, რომელიც შემდეგი რამდენიმე წლის განმავლობაში უნდა განხორციელდეს, - ამის შესახებ პირველმა ვიცე-პრემიერმა ლევან დავითაშვილმა აბუ-დაბიში განაცხადა, სადაც პრემიერ-მინისტრის დელეგაციის შემადგენლობაში იმყოფება.

მისივე თქმით, ეს არის ისტორიული მოვლენა, რაც მთელი ქვეყნის ეკონომიკის 1-1.5%-იან ზრდას გულისხმობს.

 „ეს თბილისისა და ბათუმის ეკონომიკების დაახლოებით 2-3 %-იან ზრდას მოიაზრებს წლის განმავლობაში, რეალურ ეკონომიკურ ზრდას, რაც მთელი ქვეყნის ეკონომიკის 1-1.5%-იან ზრდას მაინც გულისხმობს, რაც ძალიან მნიშვნელოვანია. თუმცა გარდა რიცხვებისა და ეკონომიკური შედეგებისა, EMAAR და Eagle Hills, ეს არის წამყვანი დეველოპერული ჯგუფი მთლიანად რეგიონში, რომელსაც აქვს განხორციელებული სანიმუშო პროექტები, ე.წ. landmark პროექტები, მაგალითად როგორიცაა ბურჯ-ხალიფა. მათი საქართველოში შემოსვლა მთლიანად შეცვლის ჩვენს დეველოპერულ ბაზარს, თვისობრივად და ხარისხობრივად სხვა დონეზე გადაიყვანს და არამხოლოდ რეგიონული ინვესტორებისთვის გახდის საქართველოს საინტერესოს, არამედ საერთაშორისო ასპარეზზე საქართველო იქნება ძალიან სამაგალითო და საინტერესო საინვესტიციო დანიშნულების ადგილი. ვფიქრობ, ეს ბიძგს მისცემს ძალიან ბევრ სხვა ინვესტორს, ვინაიდან ბევრი დეველოპერის ქცევა პირდაპირ მიჰყვება ხოლმე ამ კომპანიის გადაწყვეტილებებს. როდესაც ეს კომპანია იღებს ხოლმე  ამა თუ იმ ქვეყანაში მნიშვნელოვანი პროექტების განხორციელების გადაწყვეტილებას, ამას რეგიონის ქვეყნებიდან, საუდის არაბეთიდან, საამიროებიდან, ევროპიდან ბევრი ქვეყანა ადევნებს თვალს და ის კომპანიები, როგორც წესი, მიჰყვებიან ხოლმე. ამიტომ ჩვენ მოლოდინი გვაქვს, რომ ამ პროექტის დაწყებით ჩვენ ქვეყანაში პირდაპირი უცხოური ინვესტიციების ახალ ტალღას უნდა ველოდოთ ძალიან საინტერესო, დინამიურ სექტორში, რომელიც ეკონომიკის ზრდისთვის არის ძალიან მნიშვნელოვანი და ამავე დროს, ჩვენს ქვეყანაში უნდა მივიღოთ ორი, ძალიან მნიშვნელოვანი, ე.წ. landmark ადგილი, ანუ ისეთი ადგილი, რომელიც ტურისტებისთვისა და მოსახლეობისთვის იქნება მიმზიდველი და თვალსაჩინო, რაც ასევე ქვეყნის ხარისხობრივ წინსვლას შეუწყობს ხელს,"- განაცხადა ლევან დავითაშვილმა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა