საზოგადოებრივი მაუწყებლის საინფორმაციო გამოშვების წამყვანმა, ვასილ ივანოვ-ჩიქოვანმა, საქართველოს პარლამენტის უკანა შესასვლელთან, მზია ამაღლობელის მხარდასაჭერ აქციაზე განაცხადა, რომ მისი დაპატიმრება სამართლებრივ უპრინციპოობასა და უსამართლობას წარმოადგენს.

„მზია ამაღლობელი იმ ქმედებებისთვისაა დაპატიმრებული, რომელიც არ შეიძლება შეფასდეს როგორც თავდასხმა. სააპელაციო სასამართლომ საჩივარი, რომელიც პატიმრობის აღკვეთის ღონისძიების დაუსაბუთებლობას ეხებოდა, დაუშვებლად ცნო. ამასთან, სახალხო დამცველის მიერ წარმოდგენილ პოზიციაში ნათქვამია, რომ პატიმრობის შეფარდება არ არის დასაბუთებული და უნდა იქნას გამოყენებული უფრო მსუბუქი აღკვეთის ღონისძიება,“ – აღნიშნა ვასილ ივანოვ-ჩიქოვანმა. 

მას მიაჩნია, რომ ქვეყანაში ხდება სამართლებრივი უსამართლობის გამოხატულება, რაც საქართველოს მოქალაქეების აქტიურ წინააღმდეგობას საჭიროებს.

ავტორი: ექსპრესნიუსი,

სოციალური ქსელები

ტრამპს პირველ სამუშაო დღეს 22 -მა შტატმა უჩივლა

ბათუმში პოლიციელზე თავდასხმისთვის ერთი პირი დააკავეს

სუს-ის ინფორმაციით, ალექსი მამულია და ივანე ჯაფიაშვილი უკანონო პატიმრობიდან გათავისუფლდნენ.

ბათუმში ჟურნალისტების, პოლიტიკოსების და არასამთავრობო ორგანიზაციების აქციას მიმდინარეობს