საპროტესტო აქცია მიმდინარეობს აჭარის პროკურატურასთან. ჟურნალისტები მეოთხე დღეა, „ბათუმელებისა“ და „ნეტგაზეთის“ დამფუძნებლის, მზია ამაღლობელის გათავისუფლების მოთხოვნით აქციებს სხვადასხვა ლოკაციაზე მართავენ. ისმის შეძახილები – „თავისუფლება მზიას“. ჟურნალისტებმა სტიკერებიც გააკრეს პროკურატირის შესასვლელთან.

აქციის მონაწილეები ასევე მოითხოვენ, უფლებამოსილება შეუწყდეს ბათუმის პოლიციის უფროსს, ირაკლი დგებუაძეს იქამდე, ვიდრე, მათი თქმით, არ იქნება გამოძიებული ის ძალადობის ფაქტები, რომელსაც ჟურნალისტების განცხადებით, ადგილი ჰქონდა მისი მხრიდან მზია ამაღლობელის მიმართ მის დაკავებამდე და დაკავების შემდეგ.

„მზია ამაღლობელი ციხეში უფრო საშიშია ამ რეჟიმისთვის, ვიდრე გარეთ. ვერ ვიტყვი, რომ პრაგმატული აზროვნებით ამას გაიაზრებენ, მაგრამ მგონია, მიხვდებიან, რომ მათთვის ასე აჯობებს და მაქვს მოლოდინი, რომ გაათავისუფლებენ“,-აცხადებს ჟურნალისტი ირმა ზოიძე.

ამ დრომდე უცნობია, ცნობს თუ არა დასაშვებად სააპელაციო სასამართლო მზია ამაღლობელის ადვოკატების სარჩელს და შეცვლის თუ არა ბათუმის საქალაქო სასამართლოს გადაწყვეტილებას აღკვეთის ღონოსძიების შეცვლის თაობაზე.

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს