კოალიცია ,,ძლიერი საქართველოს“ ერთ-ერთი ლიდერი, ანა დოლიძე, გაერთიანებული სამეფოს თემთა პალატაში ბრიტანელი დეპუტატის, ჯეიმს მაკლირის მოწოდებას ეხმაურება, რომელიც გაერთიანებულ სამეფოს, „ქართული ოცნების“ საპატიო თავმჯდომარის, ბიძინა ივანიშვილის წინააღმდეგ სანქციების დაწესებისკენ მოუწოდებს.

მისი თქმით, მას კომუნიკაცია ჰქონდა აღნიშნული ინიციატივის ავტორთან, ჯეიმს მაკლირთან, რომელიც ახლა ხელმოწერების შეგროვებითაა დაკავებული, რომ ბრიტანეთმა ეს ინიციატივა სისრულეში მოიყვანონ.

მისივე თქმით, ბრიტანეთის სანქციები, „ქართული ოცნების“ საპატიო თავმჯდომარის, ბიძინა ივანიშვილის წინააღმდეგ მნიშვნელოვანია, რომ „ფულის დარიგება ვერ მოხდეს“.

„ლიბერალურმა დემოკრატიულმა პარტიამ შეიტანა ეს ინიციატივა პარლამენტში, გუშინ მქონდა კომუნიკაცია უშუალოდ იმ პირთან, ვინც ეს ინიციატივა დააყენა და ამბობს, რომ ახლა აქტიურად მიმდინარეობს ხელმოწერების შეგროვება, იმისთვის რომ ეს რეზოლუცია მიიღოს ბრიტანეთმა. როგორც კი შეგროვდება ეს ხელმოწერები, შესაბამისად, დადგება ეს რეზოლუცია პარლამენტში ზუსტად ისეთი, როგორიც დადგა ჰოლანდიაში. ევროპული სანქციები ბიძინა ივანიშვილის მიმართ მნიშვნელოვანია, რათა ვერ მოხდეს ფულის დარიგება. მართალია, მათ ნაღდი ფულიც ექნებათ, მაგრამ ეს იქნება ბევრი რამისთვის ხელის შემშლელი“, - განაცხადა ანა დოლიძემ.

ავტორი: ექსპრესნიუსი,

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა