კრემლის სპიკერი, დმიტრი პესკოვი უკრაინასა და გაერთიანებულ სამეფოს შორის "100-წლიანი პარტნიორობის" ხელშეკრულების გაფორმებას ეხმაურება. პესკოვის თქმით, NATO-ს წევრი სახელმწიფოს მიერ მსგავსი აქტივობა რუსეთის საზღვრებთან "ამაღელვებელია".  

"გამომდინარე იქიდან, რომ ბრიტანეთი NATO-ს წევრი ქვეყანაა, მისი სამხედრო ინფრასტრუქტურის ჩვენი საზღვრებისკენ მოახლოება ნამდვილად ამაღელვებელია. ნებისმიერ შემთხვევაში, საჭირო იქნება დამატებითი ანალიზის ჩატარება იმასთან დაკავშირებით, თუ რა მოხდება" – ამბობს პესკოვი. 

გაერთიანებული სამეფოს პრემიერმინისტრის, კირ სტარმერის კიევში ვიზიტის დროს ხელმოწერილი ხელშეკრულება ძირითადად მოიცავს უსაფრთხოების, მეცნიერების, ენერგეტიკისა და ვაჭრობის სფეროებს. მისი მთავარი მიზანი ბალტიის, შავი და აზოვის ზღვებში უსაფრთხოების უზრუნველსაყოფად და რუსული აგრესიის შესაკავებლად ქვეყნებს შორის სამხედრო თანამშრომლობის გაძლიერებაა.

სტარმერის თქმით, მისი მთავრობა უკრაინას ახალ მობილურ საჰაერო თავდაცვის სისტემას მიაწვდის, რომელიც სპეციალურად უკრაინის საჭიროებებისთვის იქნება შემუშავებული.

ამასთან ერთად, Sky News-თან ინტერვიუში ჟურნალისტის კითხვაზე, დაეხმარება თუ არა ბრიტანეთი უკრაინას სამხედროებით, სტარმერმა უპასუხა, რომ ეს საკითხი მან ზელენსკისთან და სხვა პარტნიორ სახელმწიფოებთან უკვე განიხილა და ბრიტანეთი "თავის როლს სრულად შეასრულებს"

ავტორი: ექსპრესნიუსი,

სოციალური ქსელები

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance