ღაზის სექტორში 15 იანვრის შემდეგ 100 ადამიანი დაიღუპა, მათ შორის, სულ მცირე, 27 ბავშვია.

ღაზის სამოქალაქო თავდაცვაში აცხადებენ, ისრაელსა და „ჰამასს“ შორის ცეცხლის შეწყვეტის შეთანხმების შემდეგ, ისრაელმა ღაზის სექტორზე იერიში მიიტანა.

ადგილობრივები ამბობენ, რომ სექტორის დაბომბვა „დაუნდობლად მიმდინარეობს”.

15 იანვარს ცნობილი გახდა, რომ ისრაელმა და „ჰამასმა“ ღაზის სექტორში ცეცხლის შეწყვეტისა და მძევლების გათავისუფლების შესახებ შეთანხმებას მიაღწიეს, რომელიც ძალაში 19 იანვრიდან შედის და სამი ფაზისგან შედგება.

პირველი ფაზა, მოიცავს ღაზის სექტორიდან ისრაელელი სამხედროების სრულად გაყვანას, „ჰამასის“ ტყვეობაში მყოფი ყველა მძევლის გათავისუფლებას და ისრაელის მხრიდან პალესტინელი პატიმრების გათავისუფლებას. ასევე, გაიზრდება ჰუმანიტარული დახმარება და პალესტინელებს შეეძლებათ საკუთარ სახლებში დაბრუნება.

მეორე ფაზა ითვალისწინებს ისრაელსა და „ჰამასს“ შორის მოლაპარაკებებს, თუ რა იქნება ომის სამუდამოდ დასრულების გზები, ხოლო თუ ეს მოლაპარაკებები მხარეებს შორის ექვს კვირაზე მეტხანს გაგრძელდა, ცეცხლის შეწყვეტის შეთანხმება მაინც გახანგრძლივდება.

რაც შეეხება მესამე, ანუ საბოლოო ფაზას, ეს არის უკვე ღაზის სექტორის რეკონსტრუქციის გეგმა.

ავტორი: ექსპრესნიუსი,

სოციალური ქსელები

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance