სლოვაკეთის პრემიერ-მინისტრმა, რობერტ ფიცომ განაცხადა, რომ ის უკრაინის პრეზიდენტს, ვოლოდიმირ ზელენსკის უახლოეს მომავალში შეხვდება, - ინფორმაციას „დოიჩე ველე“ ავრცელებს.

„ვარჩევთ შეხვედრის თარიღს, რომელიც უახლოეს დღეებში უნდა გაიმართოს“, - განუცხადა ფიცომ ჟურნალისტებს, თუმცა მას შეხვედრის შესაძლო ადგილი არ დაუკონკრეტებია.

რობერტ ფიცო და ვოლოდიმირ ზელენსკი ბოლო რამდენიმე კვირაა ღიად აკრიტიკებენ ერთმანეთს. ეს, უპირველეს ყოვლისა, უკრაინის მიერ რუსული გაზის დასავლეთში ტრანზიტის შეწყვეტას უკავშირდება. დეკემბრის ბოლოს ფიცო მოსკოვში ჩავიდა, სადაც პრეზიდენტ ვლადიმერ პუტინს შეხვდა და გაზის მიწოდების საკითხზე ესაუბრა. ამასთან დაკავშირებით ზელენსკიმ ფიცო სახელმწიფო ინტერესებით ვაჭრობაში დაადანაშაულა, რის შემდეგაც სლოვაკეთის პრემიერ-მინისტრი უკრაინას ელექტროენერგიის მიწოდების შეწყვეტით დაემუქრა. ამის შემდეგ პოლიტიკოსებმა ერთმანეთის მიმართ არაერთი კრიტიკული განცხადება გააკეთეს.

13 იანვარს რობერტ ფიცომ ზელენსკი გაზის ტრანზიტის მოლაპარაკებებისთვის სლოვაკეთში შეხვედრაზე მიიწვია.

"თქვენი გადაწყვეტილება, შეაჩეროთ გაზის ტრანზიტი უკრაინის გავლით სლოვაკეთისა და სხვა მომხმარებლებისკენ, უზარმაზარ ზიანს აყენებს თავად უკრაინას, სლოვაკეთს და ევროკავშირს. ეს იწვევს არაერთგვაროვან რეაქციას, რომელიც ხელს არ უწყობს არც ორმხრივ და არც მრავალმხრივ ურთიერთობებს", - დაწერა სლოვაკეთის პრემიერმა სოციალურ ქსელში. მან უკრაინის პრეზიდენტს შეხვედრა სლოვაკეთის ტერიტორიაზე, უკრაინის საზღვართან ახლოს შესთავაზა. ვოლოდიმირ ზელენსკი შეხვედრის გამართვის შესახებ რობერტ ფიცოს მოწოდებას სოციალურ ქსელში გამოეხმაურა და დაწერა : „კარგი. პარასკევს კიევში ჩამოდი“.

ავტორი: ექსპრესნიუსი,

სოციალური ქსელები

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance