სომხეთ-აშშ-ის სტრატეგიული პარტნიორობა აუცილებელია რთულ გეოპოლიტიკურ ვითარებაში ორიენტირებისთვის, – ამის შესახებ სომხეთის საგარეო საქმეთა მინისტრმა, არარატ მირზოიანმა განაცხადა.

სომხეთის საგარეო უწყების ხელმძღვანელის თქმით, ერევანსა და ვაშინგტონს შორის ურთიერთობები საგრძნობლად გამყარდა, ამიტომ ამ ურთიერთობების ტრანსფორმაცია სტრატეგიულ პარტნიორობამდე არის შესაბამისი და მნიშვნელოვანი.

სომხეთის საგარეო საქმეთა მინისტრმა ასევე იმედი გამოთქვა, რომ სომხეთის მიერ შეერთებულ შტატებთან ხელმოწერილი დოკუმენტი იქნება ურთიერთობების სამომავლო საგზაო რუკა.

„დაე, სომხეთ-აშშ-ის სტრატეგიული პარტნიორობის ქარტია, რომელსაც ხელი მოვაწერეთ აშშ-ის სახელმწიფო მდივან ენტონი ბლინკენთან, იყოს სომხეთსა და შეერთებულ შტატებს შორის ურთიერთობის გაღრმავების დადასტურება და საერთო მიღწევებით სავსე მომავლის საგზაო რუკა“, – აღნიშნა არარატ მირზოიანმა.

სომხეთმა და შეერთებულმა შტატებმა ორ ქვეყანას შორის სტრატეგიული პარტნიორობის ქარტიას 14 იანვარს მოაწერეს ხელი.

ავტორი: ექსპრესნიუსი,

სოციალური ქსელები

საპატრიარქო სამთავრო მონასტერში რუსულ წირვაზე - უცხოელ სასულიერო პირებს ასამაღლებლის წარმოთქმის უფლება მშობლიურ ენაზეც საეკლესიო ტრადიციით ეძლევათ

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს