საქართველოს პროკურატურაში ბრიფინგი გაიმართა საპარლამენტო არჩევნების შესაძლო გაყალბებასთან დაკავშირებით მიმდინარე გამოძიების შესახებ.

პროკურატურის ცნობით, ჩაატარეს სხვადასხვა საგამოძიებო მოქმედება და ექსპერიმენტი, რომელზე დაყრდნობითაც ამბობენ, რომ გამორიცხა ერთი ამომრჩევლის მიერ როგორც სხვადასხვა, ასევე ერთსა და იმავე საარჩევნო უბანზე განმეორებითი თუ მრავალჯერადი ხმის მიცემის თეორიული შესაძლებლობა.

მათივე ცნობით, ჩატარდა გამოძიება მარკირების სითხესთან დაკავშირებითაც.

„ჩატარებული კვლევით დადგენილია, რომ ექსპერტიზაზე წარდგენილი მარკირების სითხე ხელის თითის ფრჩხილზე და კანზე დატანის შემთხვევაში, ულტრაიისფერი სხივებით დანათებით ლუმინისცირებას (ნათებას) ინარჩუნებს არანაკლებ 12 საათის განმავლობაში, ხელის მრავალჯერადი დაბანის შემთხვევაშიც კი.

ყველა იმ პირს, ვინც მიუთითებდა არჩევნების სავარაუდო გაყალბების ფაქტებზე, მიეცა შესაძლებლობა მიეწოდებინა მის ხელთ არსებული ინფორმაცია თუ მტკიცებულებები, მათ მიერვე გაჟღერებულ ფაქტებთან დაკავშირებით. უნდა აღინიშნოს, რომ მიუხედავად საჯაროდ გაცხადებული სურვილისა, გამოძიებასთან თანამშრომლობის თაობაზე, მათმა დიდმა ნაწილმა უარი განაცხადა საგამოძიებო ორგანოში გამოკითხვაზე და სასამართლოში გამოკითხვა მოითხოვა, ნაწილმა კი საერთოდ უარი განაცხადა თანამშრომლობაზე“, – ნათქვამია განცხადებაში.

მათი მტკიცებით, მოწმეთა უმეტესობამ გამოძიებას ვერ მიაწოდა გამოსადეგი ინფორმაცია.

უწყების ცნობით, სისხლის სამართლის საქმეზე გამოკითხულია ოთხასამდე ფიზიკური პირი და მოწმეთა გამოკითხვის პროცესი ამჟამადაც გრძელდება. მინდა, ვისარგებლო შემთხვევით და მოვუწოდო გამოსაკითხ პირებს ითანამშრომლონ საგამოძიებო ორგანოსთან და წარმოადგინონ ნებისმიერი სახის მტკიცებულება არჩევნების სავარაუდო გაყალბების ფაქტებთან დაკავშირებით, ასეთის არსებობის შემთხვევაში.

საქართველოს პროკურატურა აგრძელებს 2024 წლის საპარლამენტო არჩევნების სავარაუდო გაყალბების ფაქტზე მიმდინარე გამოძიებას, რომლის შედეგებთან დაკავშირებითაც პერიოდულად მოვახდენთ საზოგადოების ინფორმირებას“, – განაცხადა ბრიფინგზე პროკურორმა.

ავტორი: ექსპრესნიუსი,

სოციალური ქსელები

მზია ამაღლობელი -ფაქტი, რაც მოხდა და ბრალი, რომელიც, მაქვს, რეპრესიულია

მიშელ ობამა არ დაესწრება დონალდ ტრამპის ინაუგურაციას

ევროკავშირის წარმომადგენლობა - ყველა უსამართლოდ დაკავებული უნდა გათავისუფლდეს

ბრიტანეთის ელჩი - ძალადობის განახლება ოპოზიციონერი პოლიტიკოსების მიმართ მიუღებელია