2025-01-15 10:08:29, 533 ნახვა
საზოგადოება
დღეს, 15:00 საათზე საყოველთაო გამაფრთხილებელ გაფიცვა - „იფიცება საქართველო!“ იწყება
დამსაქმებლები და დასაქმებულები დღეს, 15 იანვარს, 15:00 საათზე საყოველთაო გამაფრთხილებელ გაფიცვას - „იფიცება საქართველო!“ იწყებენ.
როგორც ორგანიზატორები აცხადებენ, პროტესტის მიზანია, აჩვენონ საზოგადოებას ის, თუ რა ელის საქართველოს იზოლაციის პირობებში.
მათივე ცნობით, გაფიცვა სამი საათის განმავლობაში გაგრძელდება. აღსანიშნავია, რომ 15 იანვრის საყოველთაო გაფიცვას უერთდება 150-ზე მეტი სხვადასხვა კომპანია. მათ შორის არიან: უნივერსიტეტები, კვების ობიექტები თუ სხვა ბიზნესჯგუფები. ბიზნეს-სუბიექტები შესაბამის განცხადებას სოციალურ ქსელში ავრცელებენ.
ავტორი: ექსპრესნიუსი,
epn.ge (@expressnews.ge)
