სომხეთი ევრაზიის ეკონომიკური კავშირის წევრია და ამ ორგანიზაციიდან გასვლის საკითხი დღის წესრიგში არ დგას. ამის შესახებ სომხეთის ეკონომიკის მინისტრმა, გევორგ პაპოიანმა პრესკონფერენციაზე განაცხადა.

პაპოიანის განმარტებით, სომხეთის ხელისუფლება არ ფიქრობს ევრაზიის ეკონომიკური კავშირის რაიმე სხვით ჩანაცვლებაზე.

„ევროკავშირში გაწევრიანების პროცესი პარალელური პროცესია. ჩვენი ამოცანაა არა ამ დღის წესრიგის განხილვა, არამედ ჩვენი ეკონომიკის მდგრადობის გაზრდა. სომხეთმა უნდა გაზარდოს თავისი პროდუქციის კონკურენტუნარიანობა, მიუხედავად იმისა, იქნება ეს ევრაზიის ეკონომიკურ კავშირში თუ ევროკავშირში.

ჩვენ გვინდა, ვიყოთ დამოუკიდებლები. ეს ნიშნავს არა ერთზე, არამედ ბევრზე დამოკიდებულებას და, ამავდროულად, ისეთი პირობების შექმნას, რომ ბევრი გარკვეულწილად დამოკიდებული იყოს ჩვენზე. ჩვენ უნდა გავხდეთ ისეთი სახელმწიფო, რომ ჩვენს ეკონომიკას თუ რამე დაემართება, ეს აისახოს სხვა ქვეყნების ეკონომიკაზეც, ამ შემთხვევაში რისკები შემცირდება. არაფერი არ უნდა შეიცვალოს, აუცილებელია, შენარჩუნდეს და გაიზარდოს მოცულობები ევრაზიის ეკონომიკურ კავშირში, ასევე გაიზარდოს ეს მაჩვენებელი სხვებთან ერთად“, – აღნიშნა პაპოიანმა.

ავტორი: ექსპრესნიუსი,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა