რესტორან ბაბილოსთან სადაც მოსამართლეთა ბანკეტი იმართება, რამდენიმე პირი დააკავეს

2025-01-12 21:36:24, 520 ნახვა

პოლიტიკა

რესტორან ბაბილოსთან სადაც მოსამართლეთა ბანკეტი იმართება, რამდენიმე პირი დააკავეს - ვიდეო

რესტორან "ბაბილოსთან", სადაც მოსამართლეთა საახალწლო ღონისძიება მიმდინარეობს, პოლიციამ აქციის მონაწილეების დაკავება დაიწყო.

გავრცელებული ინფორმაციით, დაკავებულია 5 ადამიანი. ერთ-ერთი მოსამართლის პოლიციის მანქანით ტერიტორიიდან გაყვანას, აქციის მონაწილეების პროტესტი მოჰყვა. სწორედ ამ დროს ჩასვეს პოლიციელებმა მანქანაში აქციის მონაწილე და ტერიტორიიდან გაიყვანეს.

“ადმინისტრაციული წესით არიან დაკავებულები. გზის სავალ ნაწილს კეტავდნენ, შეურაცხყოფას აყენებდნენ პოლიციას”, - აღნიშნეს ადგილზე სამართალდამცველებმა

“რატომ იჭერთ მონებო”, “გაუშვით” - ისმოდა შეძახილები აქციის მონაწილეების მხრიდან.

მოსამართლეთა ნაწილი კვლავ რესტორანში რჩება.