მე მგონია, რომ დაკავებული ადამიანების ცხოვრებით, მათი ოჯახის წევრების და ჩვენი ნერვებით, ამ ადამიანების ბედ-იღბლით ვაჭრობს ერთი ადამიანი ხან საფრანგეთთან, მერე ტრამპთან. ეს ერთი ადამიანი, რა თქმა უნდა, არის ბიძინა ივანიშვილი , - ამის შესახებ მსახიობმა სანდრო კაკულიამ ჟურნალისტებს თბილისის საქალაქო სასამართლოში განუცხადა.

სანდრო კაკულია და ასევე, კიდევ სხვა მსახიობები სასამართლოში დაკავებული მსახიობის, ანდრო ჭიჭინაძის მხარდასაჭერად იმყოფებიან, რომლის მიმართაც სასამართლომ დღეს აღკვეთის ღონისძიების პატიმრობის გადასინჯვაზე უნდა იმსჯელოს.

სანდრო კაკულიას თქმით, არსებული ვითარების ფონზე, რთულია მსჯელობა, რა გადაწყვეტილებას მიიღებს დღეს სასამართლო.

“ისეთ დროებაში ვცხოვრობთ, რომ მოლოდინების ქონა მგონია, რომ ცოტა ნორმალური არ არის. საქმე გვაქვს ექსპერიმენტების ჩამტარებელ დანაშაულებრივ ჯგუფთან. ექსპერიმენტებში ვგულისხმობ იმას, რომ დარბევების დროს ქიმიური ექსპერიმენტები ატარეს, მერე ცემის და წამების ექსპერიმენტები, “მინივენებიდან” რომ სკამები ამოიღეს, წყლის ჭავლში რაღაც მომწამლავ ნივთიერებებს ურევდნენ, ამიტომ,მოლოდინებზე საუბარი ძალიან რთულია. მე მგონია, რომ დაკავებული ადამიანების ცხოვრებით,მათი ოჯახის წევრების და ჩვენი ნერვებით, ამ ადამიანების ბედ-იღბლით ვაჭრობს ერთი ადამიანი ხან საფრანგეთთან,მაკრონთან, მერე ტრამპთან. ეს ერთი ადამიანი, რა თქმა უნდა, არის ბიძინა ივანიშვილი. ამ ერთი ადამიანის უკან არის პუტინი, ამიტომ, მოლოდინი, რა უნდა მქონდეს, არ ვიცი”, - განაცხადა სანდრო კაკულიამ.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა