ნაქერალას უღელტეხილსა და საჩხერე-შქმერის გზაზე მისაბმელიანი ტრანსპორტის მოძრაობა აღდგა

2025-01-09 15:00:20, 310 ნახვა

საზოგადოება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, 2025 წლის 9 იანვრის მდგომარეობით, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 მონაკვეთზე (ნაქერალას უღელტეხილი) და საჩხერე(სარეკი)-უზუნთა-შქმერი-ზუდალის გზაზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.

აღნიშნულ მონაკვეთებზე რთული მეტეოროლოგიური პირობების გამო მოძრაობა დროებით შეზღუდული იყო. შესაბამისი სამუშაოების ჩატარების შემდეგ, გზებზე ტრანსპორტის გადაადგილება განახლდა.

საავტომობილო გზების დეპარტამენტი მოუწოდებს მძღოლებს, თავი შეიკავონ სიჩქარის გადაჭარბებისგან და დაიცვან მოძრაობის უსაფრთხოების წესები, განსაკუთრებით ისეთ მონაკვეთებზე, სადაც რთული კლიმატური პირობებია.

ავტორი: ექსპრესნიუსი,