დაუყოვნებლივ შეწყდეს საჯარო მოხელეების უკანონო პოლიტიკური დევნა, მუქარა და სამსახურიდან პოლიტიკური ნიშნით გათავისუფლება -  სამოქალაქო საზოგადოების ორგანიზაციები ერთობლივი განცხადებით მიმართავენ  საქართველოში აკრედიტებულ დიპლომატიურ კორპუსს, რომ მტკიცედ დადგნენ საჯარო მოხელეების გვერდით, დაგმონ "ოცნების" რეპრესიული ნაბიჯები და გაზარდონ ზეწოლა მათზე, რომ

"გაყალბებულ არჩევნებსა და 2024 წლის 28 ოქტომბერს ირაკლი კობახიძის მიერ გაკეთებულ განცხადებას მოჰყვა უპრეცედენტო სახალხო პროტესტი, რომელსაც შეუერთდნენ საჯარო მოხელეებიც.

ათასობით საჯარო მოხელე ღია განცხადებებით თუ პეტიციებზე ხელმოწერით გაემიჯნა ზემოაღნიშნულ გადაწყვეტილებას. მათ დაგმეს მშვიდობიანი დემონსტრანტებისადმი განხორციელებული ძალადობა და დაადასტურეს ერთგულება საქართველოს ევროპული და ევროატლანტიკური მისწრაფებების მიმართ. ამის საპასუხოდ, დაჩქარებული წესით და სიღრმისეული განხილვის გარეშე, მიღებულ იქნა საკანონმდებლო ცვლილებები, რომლის მიხედვით მნიშვნელოვნად გაუარესდა საჯარო მოხელეების პროფესიული დაცვის მექანიზმები. აღნიშნულმა ცვლილებებმა გზა გაუხსნა რეპრესიული ინსტრუმენტების ამოქმედებას საჯარო მოხელეების მიმართ.

ამის შედეგად უკანასკნელი 2 კვირის განმავლობაში ათეულობით საჯარო მოხელე გათავისუფლდა დაკავებული თანამდებობებიდან. საჯარო მოხელეები, რომლებიც ითხოვდნენ „ქართული ოცნების“ წარმომადგენლებისგან საქართველოს კონსტიტუციის 78-ე მუხლის დაცვას, თავად გახდნენ მსხვერპლნი კონსტიტუციის დარღვევისა, შეეზღუდათ რა გარანტირებული გამოხატვის თავისუფლება.

მივმართავთ საერთაშორისო საზოგადოებას და საქართველოში აკრედიტებულ დიპლომატიურ კორპუსს, რომ მტკიცედ დადგნენ საჯარო მოხელეების გვერდით, დაგმონ ქართული ოცნების რეპრესიული ნაბიჯები და გაზარდონ ზეწოლა მათზე, რომ დაუყოვნებლივ შეწყდეს საჯარო მოხელეების უკანონო პოლიტიკური დევნა, მუქარა და სამსახურიდან პოლიტიკური ნიშნით გათავისუფლება."-  ნათქვამია ერთობლივ განცხადებაში. 

ხელმომწერები:

საქართველოს იურიდიული ფირმების ასოციაცია (ALFG)
ჭავჭავაძის ცენტრი
სამოქალაქო საზოგაოდების ფონდი (CSF)
სამოქალაქო იდეა
დემოკრატიის მცველები
დემოკრატიის კვლევის ინსიტუტტი (DRI)
აღმოსავლეთ ევროპის ცენტრი მრავალპარტიული დემოკრატიისათვის (EECMD)
ევროპის ფონდი
ევროპულ-ქართული ინსტიტუტი (EGI)
ჯეოქეისი
საქართველოს მომავლის აკადემია
საქართველოს სასამართლოს გუშაგი
საქართველოს სტრატეგიული ანალიზის ცენტრი (GSAC)
მწვანე ალტერნატივა
ადამიანის უფლებათა ცენტრი (HRC)
ინფორმაციის თავისუფლების განვითარების ინსტიტუტი (IDFI)
დასავლური დემოკრატიისა და ლიდერობის ინსტიტუტი (IWDL)
პარტნიორობა ადამიანის უფლებებისთვის (PHR)
უფლებები საქართველო
საფარი
თბილისი პრაიდი
წერტილი
ქალთა ინიციატივების მხარდამჭერი ჯგუფი (WISG)

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა