ვოლოდიმირ ზელენსკი NATO-ში უკრაინის წევრობასთან დაკავშირებით აშშ-ს არჩეული პრეზიდენტის, დონალდ ტრამპის მიერ გაკეთებულ განცხადებებს გამოეხმაურა და გაიხსენა, თუ როგორ ეუბნებოდნენ წარსულში უკრაინას, რომ Patriot-ის სარაკეტო სისტემები მხოლოდ NATO-ს ქვეყნებისთვის იყო განკუთვნილი.

"გახსოვთ, უკრაინას ეუბნებოდნენ, რომ Patriot-ის სისტემების გამოყენება მხოლოდ NATO-ს ქვეყნებისთვის არის? ან თქვენ და მე NATO-ში დიდი ხანია ვიმყოფებით, ან ნაჩქარევად დასკვნების გაკეთება საჭირო არ არის. ასე იყო Patriot-ებთან მიმართებით, და სარაკეტო სისტემებზე და NATO-ს სხვა სახის შეიარაღებაზე. ჩვენ ერთად უნდა ვიმუშაოთ და ყველაფერი გავაკეთოთ, რათა უკრაინა უსაფრთხოების გარანტიები მიიღოს, რომელსაც ჩვენი ხალხი იმსახურებს, რომლებსაც პუტინის შეჩერება შეუძლია". - განაცხადა ზელენსკიმ ფინეთის საგარეო მინისტრთან, ელინა ვალტონენთან შეხვედრისას.

უკრაინის პრეზიდენტის თქმით, ომის ერთ-ერთი მიზეზი ის არის, რომ უკრაინა NATO-ს წევრი არ არის და კონკრეტული უსაფრთხოების გარანტიები არ აქვს.

"გულწრფელი რომ ვიყო, სამწუხაროდ, მთელი პატივისცემით ყველა ევროპული ქვეყნისა და აშშ-ს მიმართ, მთელი პატივისცემით იმ დახმარების მიმართ, რომელიც მივიღეთ ომის დაწყებიდან, მაგრამ არ იყო ერთიანი მხარდაჭერა აშშ-ს შიგნით ყველა ევროპელ მოკავშირესთან ერთად უკრაინის NATO-ში გაწევრიანების თაობაზე". - თქვა მან. ზელენსკიმ გაიხსენა, რომ ზოგიერთი ქვეყანა ალიანსში უკრაინის გაწევრიანებას ეწინააღმდეგებოდა. მისი თქმით, ეს ქვეყნები იყო "ამერიკა, გერმანია, უნგრეთი და სლოვაკეთი".

უკრაინის პრეზიდენტის აზრით, ვლადიმირ პუტინს ჰქონდა წარმოდგენა, რომ უკრაინას არავინ დაუჭერდა მხარს. ამას გარდა, ზელენსკიმ ხაზგასმით აღნიშნა, რომ დღეს უკრაინას სერიოზული და ძლიერი უსაფრთხოების გარანტიების მოთხოვნის უფლება აქვს და დაამატა, რომ ამის თაობაზე იგი აშშ-ს ამჟამინდელ და მომავალ პრეზიდენტებსაც ესაუბრა.

"მე ამის შესახებ აშშ-ს სამ პრეზიდენტს ვესაუბრე. ამაზე ვილაპარაკე პრეზიდენტ ტრამპთან, შემდგომ პრეზიდენტ ბაიდენთან და ახლა ისევ პრეზიდენტ ტრამპთან. მე მუდმივად ვწევდი წინ უსაფრთხოების გარანტიების საკითხს". - თქვა ზელენსკიმ.

ავტორი: ექსპრესნიუსი,

სოციალური ქსელები

მასკს მომავალ არჩევნებამდე დიდი ბრიტანეთის პრემიერის გადაყენება სურს -FT

ჯგუფური ძალადობის ბრალდებით დაკავებულთა სასამართლო 11 იანვარს გაიმართება

ოკუპანტების მიერ დაკავებული სამი მოქალაქე თავისუფალია

აშშ უკრაინას $500 მილიონის სამხედრო დახმარების ახალ პაკეტს გადასცემს