პატრიარქის დამონტაჟებული მილოცვა - პატრიარქის მონახულების შემდეგ, საპატრიარქოდან გამოსული მეუფე ნიკოლოზი პირველი კომენტარს აკეთებს

ახალქალაქის, კარის და კუმურდოს მიტროპოლიტი ამბობს, რომ ილია მეორე არათუ დაუძლურებულია, როგორც დამონტაჟებულ ვიდეოში ჩანდა, არამედ თავს კარგად გრძნობს და გალობაც კი შეუძლია. 

"რეგენტი არის და 2-ში საღამოს, რომ მივედიო რამდენიმე საათი არ გამომიშვა პატრიარქმაო და ერთად ვიგალობეთო. მე ვეუბნებოდი, დაისვენეთ რაღაცა, მაგრამ არ მიშვებდაო არაფრით. მაგალობა და რამდენიმე საგალობელი ესე ორ ხმაში შევსრულვართ. საუბარიც შეუძლია, გალობაც შეუძლია. გალობა, ჩვენც ვიგალობეთ ერთად.
მე არ დავასახელებ წყაროს, მაგრამ ერთ-ერთი ცნობილი პოლიტიკოსის ცნობილი ფრაზაა, რომ "გვინდოდა, როგორც უკეთესადო და გამოვიდა როგორც ყოველთვისო".
არა რა პროვოკაცია. პატრიარქის გადადგომა გამორიცხულია, ეგ დაივიწყოს ყველამ'', - ამბობს მეუფე ნიკოლოზი.

საპატრიარქომ გუშინ დაადასტურა, რომ ილია მეორეს საახალწლო მიმართვა მონტაჟია და არა წელს ჩაწერილი ვიდეო.

შეგახსენებთ, რომ საპატრიარქოს მიერ გავრცელებულ ვიდეოს, რომელშიც უწმინდესი დაუძლურებულად არის წარმოჩენილი, საზოგადოებაში აჟიოტაჟი მოჰყვა. მოქალაქეების ნაწილი ირწმუნებოდა, რომ მილოცვა ახალი არ არის, პატრიარქის სიტყვები კი წინა წლების მილოცვის ტექსტიდან ამოღებული და დამონტაჟებულია.

ავტორი: ექსპრესნიუსი,

სოციალური ქსელები

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა

$47 000 მოსთხოვა, დაემუქრა მოკვლით – პროკურატურამ გიორგი ფეიქრიშვილს ბრალი წარუდგინა