ათასობით ადამიანი გამოვიდა პარასკევს, საღამოს, 3 იანვარს, ბრატისლავაში, სლოვაკეთის მთავრობის შენობასთან უკრაინის მხარდასაჭერად და პრემიერ-მინისტრ რობერტ ფიკოს წინააღმდეგ, - იუწყება სლოვაკური ახალი ამბების პორტალი Aktuality.

აქციის ორგანიზატორი იყო სამოქალაქო ასოციაცია "მშვიდობა უკრაინისთვის", რომელიც აგროვებს ფულს უკრაინის შეიარაღებული ძალებისთვის საბრძოლო მასალისთვის. აქციის მონაწილეებს სლოვაკეთისა და ევროკავშირის დროშები ეჭირათ. შესრულდა ევროკავშირის ჰიმნი - "ოდა სიხარულს" ბეთჰოვენის მეცხრე სიმფონიიდან. მათ შორის იყო ლოზუნგები: „სლოვაკეთი ევროპაა, დავიღალეთ რუსეთით!“, „ფიკო, გადადი მოსკოვში!“, „სამშობლოს ღალატი!“, „ჩვენ არ ვართ რუსული შუასადებები!

ოპოზიციონერი პოლიტიკოსი ლუსია სტასელოვა, რომელმაც სცენაზე ისაუბრა, გაიხსენა საბჭოთა ჯარების შესვლა ჩეხოსლოვაკიაში 1968 წელს. „არ დავუშვებ, რომ ეს ქვეყანა რუსეთის პოლიტიკური გავლენის ქვეშ მოექცეს“, - განაცხადა მან.

2 იანვარს ფიკო დაიმუქრა რომ უკრაინელი ლტოლვილების მხარდაჭერას შეამცირებდა, რადგან კიევმა არ გაახანგრძლივა გაზპრომთან შეთანხმება უკრაინის გავლით რუსული გაზის მიწოდებაზე. პოლიტიკოსმა ამ გადაწყვეტილებას   ვლადიმერ ზელენსკის მხრიდან "დივერსია" უწოდა.

22 დეკემბერს, სატრანზიტო გაჩერების წინა დღეს, ფიკო კრემლს ესტუმრა და ვლადიმერ პუტინთან გაზის მიწოდებაზე ისაუბრა. ეს იყო პირველი პირადი მოლაპარაკებები პოლიტიკოსებს შორის რვა წლის განმავლობაში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს