მეტროსადგურ „ავლაბრის" ზედა ვესტიბიულის რეკონსტრუქციის პროექტი დასრულდა. სამუშაოების შედეგს დედაქალაქის მერი კახა კალაძე მის მოადგილესთან, ირაკლი ბენდელიანთან ერთად გაეცნო. 

კახა კალაძის თქმით, ევროპის რეკონსტრუქციის და განვითარების ბანკთან თანამშრომლობით, სხვა მეტროსადგურების განახლებაც იგეგმება. 

„პროექტის განხორციელებამ გარკვეული დრო წაიღო, რადგან, როდესაც დემონტაჟი განხორციელდა, გამოვლინდა ძალიან სერიოზული პრობლემები, მთლიანად ამორტიზებული იყო შენობა და მოგვიწია გამაგრება. პროექტის ფარგლებში მთლიანად განახლდა ზედა ვესტიბიული, ხედავთ, როგორი მოწესრიგებულია. გვინდა, განვაგრძოთ ამ ტიპის სამუშაოები ყველა მეტროსადგურებში. გვქონდა საუბარი ევროპის რეკონსტრუქციისა და განვითარების ბანკთან, რომლის ჩართულობით შევძლებთ საერთაშორისო ტენდერების გამოცხადებას. მიმდინარეობს დოკუმენტაციის მომზადება და მომავალი წლისთვის გამოვაცხადებთ საერთაშორისო ტენდერებს, რომელშიც მონაწილეობას უცხოური კომპანიებიც შეძლებენ. ზოგადად, მას შემდეგ, რაც აშენდა მეტროსადგურები, მას შემდეგ ამ ტიპის და მასშტაბის სარეაბილიტაციო სამუშაოები არ ჩატარებულა. როდესაც ვიწყებთ განახლების სამუშაოებს, მაშინვე ჩნდება უფრო დიდი და სიღრმისეული პრობლემები, რომელიც საჭიროებდ მეტს დროს და იწვევს უკმაყოფილებას", - განაცხადა კახა კალაძემ. 

პროექტს ასევე გაეცნენ საქართველოს პარლამენტის წევრი ნიკა ელისაშვილი, თბილისის საკრებულოს წევრი კახა ლაბუჩიძე და თბილისის სატრანსპორტო კომპანიის დირექტორი გიორგი შარკოვი. 

 პროექტი ითვალისწინებდა სადგურის ზედა ვესტიბიულის სრულ რეკონსტრუქციას, გარე სადრენაჟე სისტემის მოწყობას, სამანქანე დარბაზის ფილის გამაგრებას და შიდა სამეურნეო ოთახების მოწყობას. 

სადგურის სახურავის ფენების დემონტაჟის შემდეგ, აუცილებელი გახდა სადგურის ვესტიბიულის რკინაბეტონის თაღსა და კონსოლზე დამატებითი კვლევების ჩატარება, მათი მდგრადობის დადგენის მიზნით. საბოლოოდ, სამხარაულის სახელობის სასამართლო ექსპერტიზის ეროვნული ბიუროს მიერ დადებული დასკვნისა და რეკომენდაციების საფუძველზე განხორციელდა პროექტის მნიშვნელოვანი ცვლილებები.

კორექტირებული პროექტის მიხედვით, გამაგრდა სადგურის რკინა-ბეტონის თაღი და კოლონები, სრულად შეიცვალა სახურავის ჰიდროსაიზოლაციო ფენები, მოეწყო მიწისქვეშა წყლებისგან დამცავი გარე სადრენაჟე სისტემა, შეიცვალა სადგურის ინტერიერი და ფასადი, ზედაპირები მოპირკეთდა თანამედროვე მასალებით, გამოიცვალა იატაკის ფილები, განახლდა განათების, საინფორმაციო და ვიდეოსამეთვალყურეო სისტემები. 

სამუშაოები ჩატარდა მეტროსადგურის დაკეტვისა და მგზავრთა შეფერხების გარეშე, სამშენებლო კომპანია „ბადა ქონსთრაქშენის" მიერ. 

სამუშაოების ჯამური ღირებულება შეადგენს დაახლოებით 4,2 მლნ ლარს.

ინფორმაციას თბილისი მერია ავრცელებს.

ავტორი: NS (სტატია დაფინანსებულია),

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს