ლიბანისა და თურქეთის საზღვართან რიგებია, რადგან ათასობით სირიელი პრეზიდენტ ბაშარ ალ-ასადის რეჟიმის დამხობის შემდეგ, სამშობლოში ბრუნდება. ამის შესახებ ინფორმაციას „ეხო კავკაზა“ ავრცელებს.

მედიის ცნობით, მცირეა იმ მოქალაქეების რიცხვი, რომლებიც პირიქით, ქვეყანას არეულობის შიშით ტოვებენ.

გაეროს ლტოლვილთა უმაღლესი კომისრის ოფისში აცხადებენ, რომ თუ სირიაში პოლიტიკური სტაბილურობა დადგება, 2025 წელს მოსალოდნელია სირიის იმ მოქალაქეების უფრო მასიური დაბრუნება, რომლებიც სამოქალაქო ომისა და პოლიტიკური რეპრესიების გამო, ქვეყნიდან იყვნენ გაქცეულები.

სირიაში სამოქალაქო დაპირისპირება 2011 წლიდან დაიწყო, რის გამოც, ქვეყანა, დაახლოებით, 6,7-მა მილიონმა ადამიანმა დატოვა. მათი უმეტესობა მოსაზღვრე ქვეყნებში ცხოვრობს. დაახლოებით, 3,7 მილიონი სირიელი ლტოლვილი მიიღო თურქეთმა, მილიონამდე ლიბანმა და დაახლოებით, ამდენივე იორდანიამ. ევროკავშირმა კი თავშესაფარი 1,3 მილიონ სირიელს მისცა 2015-2023 წლებში. მათი უმეტესობა - დაახლოებით, 700 ათასი - გერმანიაში ცხოვრობს.

ნოემბრის ბოლოს სირიაში ბაშარ ალ-ასადის რეჟიმის  მოწინააღმდეგე შეიარაღებული ჯგუფები გააქტიურდნენ. მათ რამდენიმე დიდი ქალაქი დაიკავეს. კვირას, 8 დეკემბერს ღამით, აჯანყებულებმა განაცხადეს, რომ სირიის დედაქალაქი დამასკო მათი კონტროლის ქვეშ იყო. ასადი ქვეყნიდან გაიქცა და რუსეთში თავშესაფარი მიიღო. აჯანყებულთა ლიდერები არჩევნების გზით, ახალი მთავრობის ჩამოყალიბების პირობას დებენ. 

ავტორი: ექსპრესნიუსი,

სოციალური ქსელები

თბილისში, დოლიძის ქუჩაზე სროლა იყო - დაჭრილია ერთი ადამიანი

ბერბოკი - ბურთი „ოცნების“ პასუხისმგებელთა მოედანზეა - მათზეა დამოკიდებული, პოლიტიკური კრიზისის დასასრულებლად ყველაფერი გააკეთონ

სააკაშვილი - დიდებული ბრძოლის და თავდადების მომსწრე ვართ - ყოველი მებრძოლის გვერდით ვხედავ ჩემს თავს

პროფკავშირების შენობასთან ფიზიკური დაპირისპირება მოხდა [ვიდეო]