სირიის ჩამოგდებული პრეზიდენტი ბაშარ ალ-ასადი, რომელიც ქვეყნიდან გაიქცა მასიური მეამბოხეების თავდასხმის გამო, მოსკოვში ოჯახის წევრებთან ერთად ჩავიდა. ამის შესახებ რუსული სახელმწიფო საინფორმაციო სააგენტო TASS კვირას, 8 დეკემბერს საღამოს კრემლში წყაროზე დაყრდნობით იტყობინება.

„ასადი და მისი ოჯახის წევრები ჰუმანიტარული მოსაზრებებიდან გამომდინარე რუსეთში ჩავიდნენ, მათ თავშესაფარი მისცეს“, - ციტირებს სააგენტო თავის თანამოსაუბრეს.

იმავე დღეს, 8 დეკემბერს, ბრიტანულმა მედია კომპანია BBC-მ, პორტალ Flightradar24-ის მონაცემების გაანალიზების შემდეგ, გაავრცელა ინფორმაცია, რომ რუსული თვითმფრინავი აფრინდა ლატაკიიდან, შემდეგ გათიშა ტრანსპონდერი და გაემართა რუსეთისკენ. „თვითმფრინავი შეიძლებოდა აფრენილიყო რუსეთის სამხედრო ბაზიდან ხმეიმიდან ან ლატაკიის აეროპორტიდან“, - ნათქვამია ტელეგრამის პოსტში „თვითმფრინავის ტრანსპონდერი მცირე ხნით ჩართული იყო და დაშვებამდე ისევ გამორთული იყო.

ასადის მოსკოვში ჩამოსვლა ოფიციალურად არ გამოცხადებულა.

ამასობაში საერთაშორისო მედია ინტერნეტში აქვეყნებს ფოტოებს, სადაც ჩანს, რომ რუსეთის ფედერაციაში სირიის საელჩოს შენობიდან ამ ქვეყნის დროშა ჩამოხსნეს. დიპლომატიური წარმომადგენლობის სახელწოდების აბრაც მოიხსნა.

ავტორი: ექსპრესნიუსი,

სოციალური ქსელები

City Mall-ის დაბადების დღეზე საქართველოს ბანკის მომხმარებლები ნაწილ-ნაწილ გადახდით პირველად სარგებლობისას ქეშბექს მიიღებენ

კობახიძეს მიაჩნია რომ პოლიტიკური პარტიები რომლებიც არ აღიარებენ არსებული კონსტიტუციური წყობილების მათ ლეგიტიმურობას, უნდა აიკრძალონ

ირაკლი კობახიძე ირანის პრეზიდენტს შეხვდა

MDF: სახელისუფლებო მედიებმა ორი ოცნების ტროლი 351-ჯერ დააციტირეს