06:42 - 16 Feb, 2025
ჩვენ შესახებ რეკლამა/ხელმოწერა
2024-12-06 20:27:43, 314 ნახვა

საზოგადოება
კეზერაშვილი - ამოღებული იარაღის ნაწილი მეკუთვნის მე - გაფორმებულია - რაც არ არის გაფორმებული, არის ე.წ. შსს-ს მიერ ჩადებული

ჩემს საკუთრებაში არსებული სახლის, რომელშიც 2012 წლის შემდეგ არავის უცხოვრია, ჩხრეკისას ამოღებული იარაღის ნაწილი მეკუთვნის მე და მასთან არანაირი შეხება არასოდეს არ ჰქონია დიმიტრი ჩიქოვანს - გაფორმებულია და ინახებოდა კანონის სრული დაცვით,- ამის შესახებ ნათქვამია განცხადებაში, რომელსაც ყოფილი თავდაცვის მინისტრი დავით კეზერაშვილი ავრცელებს.

როგორც კეზერაშვილი სოციალურ ქსელში წერს, „ყველაფერი, რაც არ არის გაფორმებული, არის ე.წ. შსს-ს მიერ ჩადებული“.

„ე.წ. შინაგან საქმეთა სამინისტროს მიერ გავრცელებულ ინფორმაციასთან დაკავშირებით დაინტერესებულ საზოგადოებას მინდა ვუთხრა, რომ ჩემს საკუთრებაში არსებული სახლის, რომელშიც 2012 წლის შემდეგ არავის უცხოვრია, ჩხრეკისას ამოღებული იარაღის ნაწილი მეკუთვნის მე და მასთან არანაირი შეხება არასოდეს არ ჰქონია დიმიტრი ჩიქოვანს. იარაღი, რომელიც ინახებოდა ჩემს სახლში დავტოვე 2012 წლის ოქტომბერში საქართველოდან იძულებით გამომგზავრების წინ, გაფორმებულია და ინახებოდა კანონის სრული დაცვით. ამ იარაღის არსებობის შესახებ წლებია სრული ინფორმაცია ჰქონდა როგორც ე.წ. შსს-ს, ასევე სასამართლოს, რომელიც ჩემს სხვა ქონებასთან ერთად, არერთხელ იქნა დაყადაღებული.

ყველაფერი, რაც არ არის გაფორმებული, არის ამ ე.წ. უწყების მიერ ჩადებული.

ჩემი და ჩემი ოჯახის წევრების პოლიტიკური ნიშნით დევნა 12 წელზე მეტია გრძელდება, თუმცა ეს არაფერია იმასთან შედარებით, რასაც გომელაურის კრიმინალური დაჯგუფება უკეთებს საქართველოს თავისუფლების მოყვარულ ხალხს თბილისისა და სხვა ქალაქების ქუჩებში. საქართველოში დაშინებას და დევნას შედეგი არც აქამდე გამოუღია და არც მომავალში გამოიღებს“,- აღნიშნულია კეზერაშვილის განცხადებაში.

შეგახსენებთ, დღეს, 6 დეკემბერს შინაგან საქმეთა სამინისტრომ გაავრცელა ინფორმაცია, რომ ამაღლების ქუჩა N12-ში მდებარე საცხოვრებელი სახლიდან, სადაც ბოლო წლების განმავლობაში ცხოვრობდა ყოფილი თავდაცვის მინისტრის, დავით კეზერაშვილის ცოლისძმა - „ერთიანობა - ნაციონალური მოძრაობის“ საზოგადოებასთან ურთიერთობის მდივანი დიმიტრი ჩიქოვანი, ჩხრეკისას სამართალდამცველებმა საცხოვრებელ ბინაში მოწყობილი სპეციალური სამალავიდან ამოიღეს, როგორც რეგისტრირებული, ასევე რამდენიმე ათეული არარეგისტრირებული ცეცხლსასროლი იარაღი, მაყუჩები, საბრძოლო ვაზნები, კომპიუტერული ტექნიკა და მეხსიერების ბარათი.




ავტორი: ექსპრესნიუსი,


სოციალური ქსელები
სიცოცხლის მოსპობა გაუფრთხილებლობით, პოლიციამ ოცნების ქალაქში მომხდარი ტრაგედიის გამოძიება დაიწო
ე.წ ოცნების ქალაქში 2 ბავშვი წყლით სავსე თხრილში ჩავარდა და დაიღუპა
სალომე ზურაბიშვილმა ევროპელ ლიდერებს ქართული მედიის წერილი გადასცა
მზია ამაღლობელი - არ ვაპირებ მივიღო რეჟიმის დღის წესრიგი - ვშიმშილობ, სიცოცხლეზე ღირებული თავისუფლებაა
რედაქტორის რჩევით

ომი უკრაინაში

ვიდეო/LIVE

საზოგადოებრივი მაუწყებლის სამეურვეო საბჭოს სხდომა - 3 თებერვალი, 2025












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics