საფრანგეთში სამართალდამცველებმა მიგრანტების წინააღმდეგ ცრემლსადენი გაზი გამოიყენეს

2016-03-01 11:23:37, 1516 ნახვა

მსოფლიო

საფრანგეთში მიგრანტებსა და სამართალდამცველებს შორის შეტაკებები მოხდა, - ამის შესახებ ინფორმაციას France 24 ავრცელებს.

როგორც სააგენტო იტყობინება, გუშინ ფრანგმა სამართალდამცველებმა საფრანგეთის ჩრდილოეთში მდებარე ქალაქ კალესთან, მიგრანტთა ბანაკის ნაწილის დემონტაჟი გადაწყვიტეს. აღნიშნულმა ფაქტმა მიგრანტების უკმაყოფილება გამოიწვია.

სააგენტოს ცნობით, არეულობაში 200-მდე მიგრანტი მონაწილეობდა. მიგრანტებმა, სამართალდამცველებს ქვები დაუშინეს და რამდენიმე კარავი დაწვეს. საფრანგეთის პოლიციამ სიტუაციის დასარეგულირებლად ცრემლსადენი გაზი გამოიყენა.

როგორც France24 საფრანგეთის მთავრობაზე დაყრდნობით იტყობინება, ბანაკში 1 000-მდე მიგრანტი ცხოვრობდა. აღსანიშნავია, რომ არაოფიციალური ინფორმაციით, მათი რაოდენობა 3 400-ს აღწევდა.

მიგრანტებს საფრანგეთის სხვა რეგიონებში გადაიყვანენ, მაგრამ კალეს დატოვება უმრავლესობას არ სურს, რადგან დიდ ბრიტანეთში აპირებს გადასვლას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან