თბილისში, ჭავჭავაძის გამზირზე სპეციალური ტექნიკაა მობილიზებული და გაწმენდითი სამუშაოები მიმდინარეობს.

საავტომობილო მოძრაობა აღდგენილია. 

მანამდე, აღნიშნულ გამზირზე მომიტინგეებმა ბარიკადები აღმართეს და ცეცხლი დაანთეს.

დემონსტრანტებმა ჭავჭავაძეზე პარლამენტის მიმდიბარე ტერიტორიიდან გადაინაცვლეს, სადაც საპროტესტო აქცია მთელი ღამის განმავლობაში მიმდინარეობდა.

გუშინ, 2 დეკემბერს მოქალქეები დედაქალაქის მთავარ გამზირზე, დაახლოებით, 19:00 საათისკენ შეიკრიბნენ.

აღსანიშნავია, რომ პროტესტის დაწყებიდან მალევე, ადგილზე მობილიზებულმა სპეციალური დანიშნულების რაზმმა საპოლიციო ღონისძიება დაიწყო.

მომიტინგეების დაშლის დროს, იყენებდნენ ე.წ. წიწაკის სპრეის, გაზის კაფსულებსა და წყლის ჭავლს, მათ შორის საკანონმდებლო ორგანოს შიდა ტერიტორიიდან.

მიმდინარეობდა დაკავებებიც, თუმცა შინაგან საქმეთა სამინისტროს დაკავებულთა რაოდენობის შესახებ ოფიციალური ინფორმაცია ამ დრომდე არ გაუვრცელებია.

შეგახსენებთ, თბილისსა და საქართველოს სხვა დიდ ქალაქებში საპროტესტო ტალღა მას შეემდეგ დაიწყო, რაც 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

ავტორი: ექსპრესნიუსი,

სოციალური ქსელები

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა

პაპუაშვილი კოსს - ჯობია იყო ფურცელზე კანდიდატი ქვეყანა, ვიდრე ფურცელზე სახელმწიფო

კობახიძე- უმნიშვნელოვანესი საინვესტიციო პროექტი არის იგლ ჰილსის პროექტი, უკვე მომავალ წელს ეტაპობრივად დაიწყება სამშენებლო სამუშაოები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს