შინაგან საქმეთა სამინისტროდან პირველი მერცხალი გამოჩნდა! - ასე ეხმაურება საქართველოს პრეზიდენტი სალომე ზურაბიშვილი გიორგი გაბეხაძეს, რომელმაც სოციალურ ქსელში დაწერა, რომ შინაგან საქმეთა სამინისტროს აკადემიის ტაქტიკური მომზადების სამსახურის უფროსი ინსტრუქტორის თანამდებობა დატოვა.

ზურაბიშვილის განცხადებით, ეს „რეპრესიული აპარატის ნგრევის უტყუარი ნიშანია“.

„შინაგან საქმეთა სამინისტროდან გამოჩნდა პირველი მერცხალი! ეს კი რეპრესიული აპარატის ნგრევის უტყუარი წინამორბედი ნიშანია! სახელმწიფო თქვენ ხართ, ვინც ყველა უწყებაში და რა თანამდებობაზე არ უნდა იყოთ, თქვენს სამშობლოს პირად კარიერულ ინტერესზე მაღლა აყენებთ!" - წერს პრეზიდენტი.

შეგახსენებთ, დღეს, 2 დეკემბერს შინაგან საქმეთა სამინისტროს აკადემიის ტაქტიკური მომზადების სამსახურის უფროსმა ინსტრუქტორმა, გიორგი გაბეხაძემ სოციალურ ქსელ „ფეისბუქზე“ დაწერა, რომ სამსახურის დატოვებასთან დაკავშირებით, საქართველოს შინაგან საქმეთა სამინისტროს აკადემიის რექტორს პატაკით მიმართა.

ავტორი: ექსპრესნიუსი,

სოციალური ქსელები

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა