2024-12-02 13:48:57, 475 ნახვა

---

ჯაფარიძე დაკავებაზე - ჩემს შემთხვევაში ძალადობას ადგილი არ ჰქონია, არათუ ძალადობას, არაფერს ზედმეტს ადგილი არ ჰქონია

ჩემს შემთხვევაში ძალადობას ადგილი არ ჰქონია, არათუ ძალადობას, არაფერს ზედმეტს ადგილი არ ჰქონია,- ამის შესახებ „კოალიცია ცვლილებისთვის“ ერთ-ერთმა ლიდერმა, ზურაბ ჯაფარიძემ გათავისუფლების შემდეგ განაცხადა.

როგორც ჯაფარიძემ „TV პირველთან“ საუბრისას აღნიშნა, მას ადმინისტრაციული ოქმი შეუდგინეს.

„თამარაშვილზე დამაკავეს. მარტო მე არ დავუკავებივარ, რამდენიმე ადამიანი დააკავეს ჩემთან ერთად. როგორც განმიმარტეს, ადმინისტრაციული ოქმი შემიდგინეს - გზის სავალი ნაწილის უკანონო გადაკეტვა, თუ რაღაც მსგავსი...

ჩემთან მიმართებაში ძალიან პროფესიონალურად, წესიერად იქცეოდნენ. არანაირი ზედმეტი არაფერი და სავარაუდოდ, ყველა დაკავებული იქ არის და იქიდან გადაჰყავთ ე.წ. კაპეზეებზე და როცა შეიყვანენ, იქ დარეგისტრირდებიან და მერე გაიგებენ, ალბათ, მათი ახლობლები, სად არიან... 

ჩემს შემთხვევაში ძალადობას ადგილი არ ჰქონია, არათუ ძალადობას, არაფერს ზედმეტს  ადგილი არ ჰქონია“,- აცხადებს ჯაფარიძე.

შეგახსენებთ, „კოალიცია ცვლილებისთვის“ ერთ-ერთი ლიდერი ზურაბ ჯაფარიძე დღეს, 2 დეკემბერს დააკავეს და რამდენიმე საათის შემდეგ გაათავისუფლეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი