2024-12-01 00:36:58, 398 ნახვა
პოლიტიკა
აქციის მონაწილეებმა ივანიშვილის ფიტული დაწვეს
საქართველოს პარლამენტთან მიმდინარე საპროტესტო აქციაზე დემონსტრანტებმა ბიძინა ივანიშვილის ფიტულს ცეცხლი წაუკიდეს და დაწვეს.
საქართველოში პროტესტია. მოქალაქეები თბილსსა და ბათუმში "ქართული ოცნების" ანტიევროპულ ნაბიჯებს აპროტესტებენ. საქართველოში პროტესტმა მას შემდეგ იფეთქა, რაც პრემიერმა ირაკლი კობახიძემ განაცხადა, რომ მმართველი პარტია ევროკავშირთან მოლაპარაკებებს აჩერებდა.
ცნობისთვის, ამერიკის შეერთებულმა შტატებმა საქართველოსთან სტრატეგიული პარტნიორობა შეაჩერა – ამის შესახებ სახელმწიფო დეპარტამენტის პრესსპიკერი X-ზე წერს. ამასთან, სტრატეგიული პარტნიორობის შეჩერებასთან დაკავშირებით, ამერიკის შეერთებული შტატების სახელმწიფო დეპარტამენტი ოფიციალურ განცხადებასაც ავრცელებს.
ავტორი: ექსპრესნიუსი,
epn.ge (@expressnews.ge)
