ევროკავშირმა უნდა დააწესოს სანქციები და შეზღუდოს ოფიციალური კონტაქტები საქართველოს მთავრობასთან - ამის შესახებ ევროპული პარლამენტი დოკუმენტს აქვეყნებს.

"მიუხედავად იმისა, რომ მხარს უჭერს მოწოდებებს დამოუკიდებელი საერთაშორისო გამოძიების ჩატარების შესახებ საარჩევნო მანიპულაციის ბრალდებასთან დაკავშირებით, პარლამენტს სურს, რომ ევროკავშირმა და მისმა წევრმა ქვეყნებმა დააწესონ პერსონალური სანქციები საქართველოში იმ ოფიციალურ პირებსა და პოლიტიკურ ლიდერებზე, რომლებიც პასუხისმგებელნი არიან დემოკრატიულ უკანდახევაზე, საარჩევნო კანონმდებლობისა და სტანდარტების დარღვევაზე და სახელმწიფო ინსტიტუტების ბოროტად გამოყენება. მათ შორის არიან პრემიერ-მინისტრი ირაკლი კობახიძე, თბილისის მერი და მმართველი პარტია „ქართული ოცნების“ გენერალური მდივანი კახა კალაძე, საქართველოს პარლამენტის თავმჯდომარე შალვა პაპუაშვილი და ყოფილი პრემიერ-მინისტრი და ოლიგარქი ბიძინა ივანიშვილი. ევროპარლამენტარები ასევე მოუწოდებენ ევროკავშირს მკაცრად შეზღუდოს ევროკავშირის დონეზე ოფიციალური კონტაქტები საქართველოს მთავრობასთან და პარლამენტთან, ამასთან, ნათლად აცხადებენ, რომ საქართველომ, ბოლო დროს მიღებული ანტიდემოკრატიული კანონმდებლობის, მათ შორის „კანონის გამჭვირვალობისა და საგარეო გავლენის შესახებ“ შედეგად, უკვე ფაქტობრივად შეჩერებული ჰქონდა ევროკავშირში ინტეგრაციის პროცესი." - ნათქვამია გავრცელებულ განცხადებაში.

ევროპარლამენტარებმა 13-14 ნოემბრის პლენარულ სესიაზე ევროკომისიის ვიცე-პრეზიდენტ მარგარიტ შინასთან ერთად განიხილეს საქართველოს ბოლო საპარლამენტო არჩევნების შედეგები.  რეზოლუციის 444 მომხრე, 72 წინააღმდეგი, 82 თავი შეიკავა.

ავტორი: ექსპრესნიუსი,

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია