სპეცდანიშნულების რაზმებმა და რობოკოპებმა, "თბილისი მერიოტის" წინ შეკრებილი აქციის მონაწილეები სასტიკი ძალის გამოყენებით დაარბიეს. სპეცრაზმმა გაარღვია ბარიკადები რომელიც საპროტესტო აქციის მონაწილეებს ჰწონდათ აღმართული. შემდეგ კი დაიწყეს აქციის მონაწილეთა დევნა და სასტიკი ცემა.

ექსპრესნიუსის" კორესპონდენტის ცნობით, მომიტინგეებს გაუსწორდნენ რუსთაველის თეატრთან, ასევე ოპერის თეართან. პოლიციელებმა დაიწყეს მომიტინგეთა წერტილოვანი დევნა და დაკავება.

უფლებადამცველის ანი სუბელიანის თწმით, აქციის მონაწილეები სპეცრაზმმა სასტიკად სცემა.

"ალყაში მოგვაქციეს, დაგვაჭყლიტეს ერთმანეთზე, გვკლავდნენ, წიხლქვეშ გაგვიგდეს, ვიღაცეები დავიხსენით, ბევრი ვერ. მე პერსონალურად მომვარდნენ და რაღაც მძიმე მესროლეს სახეში. ძლივს გამოვასწარით. დადამ სულ ცოტათი გამასწრო და მშვიდობითაა. ძალიან ცუდად ვართ ყველა, ასეთი ჯოჯოხეთი არასდროს არ გამოგვივლია. უპრეცედენტო სისასტიკემ გადაიარა ჩვენს თავზე" - აცხადებს ანი სუბელიანი.

"ტაბულას" მთავარი რედაქტორის თქმით ეს იყო ყველაზე სასტიკი სადამსჯელო დაგეგმილი ღონისძიება.

"ეს იყო ორგანიზებული მომწყვდევა. შურისძიების მიზნით. გამორჩეული სისასტიკით. ხორცი აჭამეს ნადირს - ათარეშეს ბიჭები საკუთარ ხალხზე. არ ამომივა ყურებიდან პატარა გოგოების კივილი" - განაცხადა მათე სუთიძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით, საზღვაო და ლოგისტიკის სექტორის წარმომადგენელი ქალებისთვის ლიდერობის პროგრამა გაიმართა

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი