არალეგიტიმურად დამტკიცებულმა მთავრობამ არ უნდა მიიღოს გადაწყვეტილებები, რომლებიც ქვეყნის კონსტიტუციას და მოქალაქეების ნებას ეწინააღმდეგება,- ამის შესახებ „საქართველოს ახალგაზრდა იურისტთა ასოციაცია“ (საია) განცხადებას ავრცელებს.

როგორც განცხადებაშია აღნიშნული, საია „ხალხის გვერდით მათი უფლებებისა და კონსტიტუციის დასაცავად ბოლომდე იდგება“.

„საქართველოში მოქალაქეების 80%-ზე მეტი მტკიცედ უჭერს მხარს ევროპულ და ევროატლანტიკურ ინტეგრაციას. ეს არა მხოლოდ საზოგადოებრივი ნება – ეს კონსტიტუციით გარანტირებული არჩევანია!

არალეგიტიმურად დამტკიცებულმა მთავრობამ არ უნდა მიიღოს გადაწყვეტილებები, რომლებიც ეწინააღმდეგება ქვეყნის კონსტიტუციას და მოქალაქეების ნებას.

საია, როგორც ადამიანის უფლებების დამცველი ორგანიზაცია, მისი მანდატის ფარგლებში ბოლომდე იდგება ხალხის გვერდით მათი უფლებებისა და კონსტიტუციის დასაცავად“,- ნათქვამია განცხადებაში.

შეგახსენებთ, გუშინ, 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

კობახიძის განცხადების შემდეგ, თბილისსა და საქართველოს სხვა ქალაქებში საპროტესტო აქციები დაიწყო.

თბილისში, რუსთაველის გამზირზე სპეცრაზმმა აქციის მონაწილეების დაშლა დაიწყო, რა დროსაც პროტესტის მინაწილეების წინააღმდეგ სპეცრაზმელებმა წყლის ჭავლი, ცრემლსადენი გაზი და ე.წ. წიწაკის სპრეი გამოიყენეს. მანამდე კი, აქციის მონაწილეებსა და სამართალდამცავებს შორის რამდენჯერმე, როგორც სიტყვიერი, ისე ფიზიკური დაპირისპირებაც მოხდა. არიან დაშავებულები, მათ შორის, მედიის წარმომადგენლები.

ავტორი: ექსპრესნიუსი,

სოციალური ქსელები

პრეზიდენტი - არსად არ მივდივარ - აქ ვარ და აქ ვიქნები იმიტომ, რომ ქვეყანას ლეგიტიმური ინსტიტუტი სჭირდება

სიკორსკი - ჩვენ ქართველი ხალხის პროევროპულ მისწრაფებას მხარს დავუჭერთ

სალომე ზურაბიშვილი - პროვოკაციაა, ხვალ რაც ხდება პარლამენტში - პროვოკაცია თუ პაროდია - არ ვიცი, როგორ დავარქვა

პრეზიდენტი - ე.წ. მერი გვიწყობს პროვოკაციას - ღონისძიება სწორედ ხვალ, სწორედ 19:00 საათზე, სწორედ პარლამენტთან, კარგად გვესმის, რას ემსახურება