თბილისის მერი კახა კალაძე აცხადებს, რომ „ევროკავშირმა საქართველოსთან მოლაპარაკებები თავად შეწყვიტა და ხელისუფლების გუშინდელ გადაწყვეტილებაში გასაკვირი არაფერია“. 

ამის შესახებ მან საქართველოში ევროკავშირის ელჩის, პაველ ჰერჩინსკის მიერ გაკეთებული განცხადების შეფასებისას აღნიშნა. 

„ჩვენ ევროკავშირის ელჩი დაგვამახსოვრდა არჩევნებში პირდაპირი ჩარევით. ევროკავშირის ელჩი არ იყო, რომელიც პირდაპირ გვეუბნებოდა, რომ შეჩერებულია მოლაპარაკებების გახსნის პროცესიო? გუშინდელი განცხადება რატომ გახდა პრობლემა, თუ მოლაპარაკებები შეჩერებული იყო დღემდე, არ მესმის. მართლა ვამბობ, თუ რეალურად უნდათ მოლაპარაკებების გახსნა, აქ არ ვართ? - გახსნან. რა არის პრობლემა ამაში? ხომ ამბობენ, რომ რუსულ საქმეს ვაკეთებთ? გახსნან მოლაპარაკება და ჩვენ არ დავეთანხმოთ, ეს ხომ რუსული საქმე იქნება? აბა, სინჯონ, გააკეთონ. გადადგან ნაბიჯი და გახსნან მოლაპარაკება. ევროკავშირშიც მიგვიღონ, აბა“,- განაცხადა კახა კალაძემ. 

მისივე შეფასებით, „რადიკალურ ოპოზიციას მოუწევს, შეეგუოს აზრს, რომ პირველ რიგში საქართველოს და ქართველი ხალხის ინტერესებია“. 

„თქვენ, კოლექტიურ რადიკალებს მოგიწევთ ერთ რამეზე შეგუება, რაც ძალიან მძიმეა თქვენთვის - საქართველო არ არის ტერიტორია. საქართველო არის ჩვენი სამშობლო, სადაც დავიბადეთ, გავიზარდეთ. ჩვენი სამშობლო უპირველეს ყოვლისა. მოგიწევთ ამაზე შეგუება“,- აღნიშნა თბილისის მერმა. 

ავტორი: ექსპრესნიუსი,

სოციალური ქსელები

საქართველოს ბანკმა, Visa-სთან თანამშრომლობით, ახალი სუპერ PLUS Visa ბარათი შექმნა

ალეკო ელისაშვილი - პენიტენციური იტყუება, 2 ოქტომბერს ინგრეოდა და ზანზარებდა ციხე, ილეწებოდა შუშები

კობახიძე - პენიტენციური სამსახურის მიერ გავრცელებული კადრებში ჩანს, რომ პენიტენციური უწყება მოქმედებდა სტანდარტებისა და პროპორციულობის პრინციპის შესაბამისად

კობახიძე - ციხეებში ვერავითარი აჟიოტაჟი ვერ შექმნეს - ვითარება ბოლომდე კონტროლის ქვეშაა